Siglir tar il cuntegn

Header

audio
Frank Farian è mort cun 82 onns
Or da Actualitad dals 23.01.2024. Maletg: Keystone
laschar ir. Durada: 3 minutas 13 Secundas.
cuntegn

Boney M e Milli Vanilli Il producent da hits tudestg Frank Farian è mort

Il producent da hits tudestg Frank Farian è mort en la vegliadetgna da 82 onns. Quai ha sia famiglia confermà.

Sias chanzuns èn classichers da la musica da pop. Cun hits sco «Daddy Cool», «Rasputin» ubain «Rivers of Babylon» ha el purschì la musica per ina entira generaziun.

Frank Farian
Legenda: Producziuns da Frank Farian èn vegnidas vendidas sin l'entir mund passa 800 milliuns giadas. Keystone

Frank Farian è naschì l'onn 1941 en Germania. Atgnamain lavurava el sco cuschinier, aveva dentant gia bain in pitschen studio sin il palantschin. Sia emprima platta sco chantadur ha el edì gia ils onns 60.

Boney M. e Milli Vanilli

Dapi la mesadad dals onns 70 era el dentant producent da musica. Tranter auter ha el fundà las gruppas da musica Boney M. e Milli Vanilli. El ha er chantà per las duas bands, dentant mo en il studio. L'entschatta dals onns 90 è vegnì enconuschent, ch'ils dus commembers da Milli Vanilli n'han gnanc sez chantà.

Producziuns da Frank Farian èn vegnidas vendidas sin l'entir mund passa 800 milliuns giadas. El possedeva studios da tun a Brüssel, Miami ed Ibiza.

RTR Semperverds 16:00

Artitgels legids il pli savens