Willi Derungs è oriund da Vignogn e viva dapi intgins decennis en la Bassa. Tranter auter dirigia el la formaziun Canto Classico ch’el ha fundà il 2006 a Berna e che consista d’in chor da concert e d’in ensemble. L'atun 2025 è l'ensemble ensemen cun solistas e solists stà a Cuira ed ha dà concert. Els han preschentà l'ovra «Max und Moritz» da Heinrich Sutermeister (1910 - 1995) che sa basa sin ils versets da Wilhelm Busch davart las filistuccas dals dus cumpogns. Tenor Willi Derungs è Heinrich Sutermeister in dals impurtants cumponists svizzers dal 20avel tschientaner.
Sper Sutermeister ha l'ensemble er anc preschentà in'ovra da Tullio Zanovello (*1962). El ha ragischs talianas, viva e lavura dentant a Turitg. Tenor Willi Derungs è el in um spezial. Cunquai che Canto Classico ha fatg visita en il chantun Grischun han els er purtà intginas chanzuns rumantschas, chanzuns e tocs da clavazin da Duri Sialm.
