La contribuziun litterara da la citad da Cuira va quest onn al musicist da jazz Luca Sisera. Quai ha decis il cussegl da la citad da Cuira. El undrescha il bassist per sia cumposiziun dal project «Clutch Company». En quest project vul Sisera laschar fruntar ses quintet da jazz «Roofer» sin in orchester classic. Il project duai unir artistas ed artists da differents geners. Preschentar questa cumposiziun vul Sisera en collavuraziun cun la kammerphilharmonie grischun e l'uniun JazzChur il settember dal 2022.
La citad da Cuira surdat mintg’onn ina contribuziun litterara da 10'000 francs per pussibilitar ad auturs e cumponists da lavurar vi dad in project cultural pli lung. Questa contribuziun è en emprima lingia per auturas ed auturs, cumponistas e cumponists u per scenaristas e scenarists.