Coro Calicantus (dir. Mario Fontana), Schola de Sion (dir. Marc Bochud), Singknaben der St. Ursenkathedrale Solothurn (dir. Tobias Stückelberger) ed il Chor da giuvenils grischun cun ses maestro Martin Zimmermann han dà in concert da Nadal communabel en l'Auditorio Stelio Molo RSI a Lugano. En il center dal concert era la chanzun «Allegria-Pace-Glück-Amour» da Valentin Villard e cun il text da Heidi Happy.
La SRG SSR ha incumbensà il cumponist svizzer da scriver la chanzun a posta per il project da Nadal «Jeunes Talents Noël» ed ils chors han gì grond gust da far part a quest project communabel.
Chanzun communabla
A posta per quest project da Nadal ha la SRG SSR incumbensà il cumponist Valentin Villard e l'autura Heidi Happy da far ina nova chanzun, ina chanzun en las quatter linguas naziunalas e cun in refrain nua ch'era las quatter linguas vegnan avant. Er il titel è quadriling: «Allegria-Pace-Glück-Amour». In corset magari stretg, di il dirigent dal Chor da giuvenils grischun Martin Zimmermann. El era sco adina plain mirveglias cura ch'el ha per l'emprima giada vesì la chanzun. En l'emissiun Artg musical raquinta el da quai e sias impressiuns da la chanzun e tge program ch'il Chor da giuvenils grischun ha mess ensemen per il concert a Lugano. Vitiers in dals chantadurs dal chor, Mischa Weiss, ina curta invista en las emprovas e co la chanzun è per el.
Las formaziuns a Lugano
-
Bild 1 von 13. Ils quatter chors durant la premiera e primaudiziun da la chanzun Allegria-pace-Glück-amour. Bildquelle: RSI.
-
Bild 2 von 13. Tut ils chors ed instrumentalists suenter la primaudiziun da la nova chanzun. Bildquelle: RSI.
-
Bild 3 von 13. a dretga: Heidi Happy, autura ed il cumponist Valentin Villard. Bildquelle: RSI.
-
Bild 4 von 13. Ils dirigents, da san: Mario Fontana, Tobias Stückelberger, Martin Zimmermann, Marc Bochud. Bildquelle: RSI.
-
Bild 5 von 13. Singknaben der St. Ursenkathedrale Solothurn. Bildquelle: RSI.
-
Bild 6 von 13. Tobias Stückelberger, dirigent da Singknaben der St. Ursenkathedrale Solothurn. Bildquelle: RSI.
-
Bild 7 von 13. Chor da giuvenils grischun durant ses concert. Bildquelle: RSI.
-
Bild 8 von 13. Martin Zimmermann, dirigent dal Chor da giuvenils grischun. Bildquelle: RSI.
-
Bild 9 von 13. Il Chor da giuvenils grischun. Bildquelle: RSI.
-
Bild 10 von 13. Coro Calicantus, il chor d'uffants e giuvenils. Bildquelle: RSI.
-
Bild 11 von 13. Mario Fontana, dirigent dal Coro Calicantus. Bildquelle: RSI.
-
Bild 12 von 13. Schola de Sion en acziun. Bildquelle: RSI.
-
Bild 13 von 13. Il dirigent da la Schola de Sion, Marc Bochud. Bildquelle: RSI.
Davos las culissas
Durant in tschert temp ha in'equipa da televisiun accumpagnà ils chors, lur represchentantas e represchentants durant la fasa da crear la nova chanzun. In interessant video..
Ils videos da las singulas chanzuns ch'ils chors da giuvenils han chantà a Lugano ed er videos da Sion nua ch'ils chors èn s'incuntrads l'emprima giada a la Schubertiade. Tut quai chattais sin Play RTR / Musica. I vala la paina.