Ella viagia da continent a continent e viva en metropolas pulsantas.
Ella viagia tranter ils stils da musica: scriva chansons, fa free jazz u lascha entrar influenzas africanas en sias chanzuns da pop.
Ella viagia tranter mastergns: ella gioga teater, ella chanta, ella cumpona per auters artists (Dodo Hug, Michael von der Heide etc.), dat workshops ed instruescha chant.
Ord quests temps spir moviment è era la chanzun “ils vagants”, tenor in text da Gian Fontana:
Senza patria senza casa, leghers mein pil mund entuorn. Cu gl’argien la glina rasa, lu saltein nus sco da stuorn.
Berlin
Il 1983 enfin 1989 viva Corin Curschellas a Berlin. Là ha ella la chaschun da concertar cun divers musicists e furmaziuns (Michael Rodach, Klaus Wilmanns, Gatz Gatz...).
Ella instruescha a la scola da musica Kreuzberg/Berlin e dat regularmain workshops:
-
Bild 1 von 4. Concert a Berlin en il 1984. Bildquelle: Collecziun privata Corin Curschellas.
-
Bild 2 von 4. La furmaziun "Gatz Gatz" (Berlin 1984). Bildquelle: Collecziun privata Corin Curschellas / Uwe Arens.
-
Bild 3 von 4. Corin Curschellas durant ses temp a Berlin (1986). Bildquelle: Collecziun privata Corin Curschellas / Andreas Bartels.
-
Bild 4 von 4. Concert a Berlin en il 1986. Bildquelle: Collecziun privata Corin Curschellas.
Paris
Il 1990 suonda la midada en in’autra metropola europeana: Paris.
En la chapitala franzosa ha Corin Curschellas adina puspè vivì e lavurà dal 1990 - 2005.
Turneas...
Gea, Paris è en quests onns il center da vita da Corin Curschellas. Mo quai na sclauda betg che l’artista saja adina en moviment!
Uschia va ella tranter auter sin turnea en China cun Hardy Hepp (“Hand in Hand”).
In onn pli tard chanta Corin Curschellas cun “Les musiciens du Nil” en l’Egipta e Tunesia e dal 1991-1995 fa ella part dal famus “Vienna Art Orchestra”. En tut participescha Corin Curschellas a 5 albums da questa furmaziun.
Cun Nguyên Lê, Richard Bona, Linley Marthe und Steve Argüelles furma Corin Curschellas dal 1991 – 1995 la furmaziun “Hendrix Project: Are You Experienced?”. Lur concerts als mainan per l’Europa enturn, mo era en l’Africa dal nord, l’Africa dal sid e sin l’insla La Réunion.
Sco chantadura en las pli diversas furmaziuns ha Corin Curschellas gudagnà las cordas. Temp da sa concentrar pli fitg sin las atgnas chanzuns e da publitgar l’emprim album da solo...