Legenda:
Taylor Hawkins vi da la battaria, ensemen cun il chantadur da la band Foo Fighters, Dave Grohl vi da la ghitarra.
Keystone
Il battarist da la band da rock americana «Foo Fighters», Taylor Hawkins è mort cun be 50 onns. Sin Twitter ha sia band scrit ier saira ch'els sajan cumplettamain devastads da sia mort tragica e prematura.
Ses spiert musical e ses rir contagius vegnan a viver vinavant per adina tranter nus
Vinavant condoleschan ils commembers da la band a sia dunna e ses uffants sco er a sia ulteriura parantella. Els supplitgeschan vinavant da respectar lur sfera privata en quest grev temp.
Ins haja chattà il musicist american mort en in hotel a Bogotá, ha rapportà il magazin da novitads «Semana» il venderdi saira online. La band avess gì da sunar al festival da musica Estero Pìcnic.