L'orgla, savens numnada la «regina dals instruments», fascinescha persunas da differenta vegliadetgna. En l'Artg musical partan trais persunas lur istorgias persunalas en connex cun quest instrument maiestus: il giuven organist da 19 onns, Marcel Stecher dad Ardez, la chantadura, organista e pianista Franziska Staehelin, uriunda da Basilea sco er il construider d'orglas, Roland Koch che viva a Martina.
Marcel Stecher – il fan d'orglas
Il giuven Engiadinais da 19 onns ha scuvert quest instrument via Youtube e quai mo per casualitad. Sper il sunar l'orgla, arranscha el era adina puspè in u l'auter toc. Sia istorgia è in exempel inspirond che l'orgla po er oz anc tschiffar persunas giuvnas.
Orgla n'è betg mo corals e baselgia!
Franziska Staehelin – organista e chantadura en ina
Sco chantadura ed organista n'embellescha ella ils cults divins en la Val Schons sco era en Tumleastga Dadora betg mo cun tuns instrumentals, mabain era cun sia vusch. Sco organista da differentas plaivs saja fitg impurtant d'esser flexibla, era perquai che l'orgla saja en mintga baselgia in pau autra.
Mia rolla en baselgia è fitg clera: esser musicista.
Roland Koch – senza construiders nagins instruments
Sco construider d'orglas è el quel che dat vita e tgira ils instruments. Pratitgar questa professiun pretendia differentas qualitads – quai era la raschun ch'el haja sa pudì intgantar per questa professiun.
Construir in'orgla cuntegna blera lavur manuala, ma al medem mument era lavur d'art.
Adattà al tema