Festa da chant - Trais dis da festa plain chant èn a fin

In aspect in pau amar per ils organisaturs da la Festa districtuala a Müstair hai tuttina dà a la fin dals quints. La participaziun da chors e da chantaduras e chantadurs è sa sminuì, cumpareglià cun la davosa festa avant la pandemia da corona. En congual cun Poschiavo il 2016 èn sa preschentads 20 chors, quai èn set damain. Ed avant set onns avevan ils organisaturs dumbrà 730 activs, quest onn dentant sulettamain 440.

05:05

video

Damain chantaduras e chantadurs a la festa da chant districtuala a Müstair

Or da Telesguard dals 19.06.2023.

laschar ir. Durada: 5 minutas 5 Secundas.

Il grond di da festa nua ch’ils chors dal district èn sa preschentads è stà la sonda. La dumengia ha suandà l’act final cun il cortegi, chant communabel ed in cult divin cun il chor da gospel da Dübendorf.

Serrar

06:38

video

Cortegi dals chors a Müstair

Or da Giuventetgna dals 18.06.2023.

laschar ir. Durada: 6 minutas 38 Secundas.

02:48

video

Chant final cun il chor parc naziunal

Or da Giuventetgna dals 18.06.2023.

laschar ir. Durada: 2 minutas 48 Secundas.

1 / 29

Legenda: Il plaz è sa svidà e las chantaduras èn sin via vers chasa. RTR

2 / 29

Legenda: In stgellader en viadi vers chasa. RTR

3 / 29

Legenda: A la tschertga d'in rinfrestg al stan da glatsch. RTR

4 / 29

Legenda: Adina puspè ina pausa da program per bandunar la tenda e giudair la bell'aura a Müstair. RTR

5 / 29

Legenda: Il chor ch’è vegnì fundà per il giubileum da 100 onns parc naziunal era in dals puncts finals da la festa da chant. RTR

6 / 29

Legenda: Il chor parc naziunal da l'Engiadina sa preschenta a la fin anc ina giada sin tribuna. RTR

7 / 29

Legenda: In dals bandierels en viadi vers l'auto per metter en salv la standarta preziusa. RTR

8 / 29

Legenda: Tenda plaina durant la messa en la tenda. RTR

9 / 29

Legenda: Per quels ch'èn restads dador la tenda ina bun'occasiun per laschar recapitular la festa da la sonda. RTR

10 / 29

Legenda: Il chor da gospel da Dübendorf ha imbellì la messa en la tenda da festa. RTR

11 / 29

Legenda: Regurdientschas da la festa cun in clic. RTR

12 / 29

Legenda: Empè da bancs en baselgia a maisa durant la messa. RTR

13 / 29

Legenda: In pèr da las chantaduras e dals chantadurs dal chor da gospel da Dübendorf avant lur concert. RTR

14 / 29

Legenda: Tadlar a chasa anc ina giada quai ch'è stà a la festa da chant districtuala – pussibel, cun in clic. RTR

15 / 29

Legenda: Chant spontan per ina gratulaziun ad in giubilar a la festa da chant. RTR

16 / 29

Legenda: Il spiritual en viadi sin la chanzla nun-usitada. RTR

17 / 29

Legenda: Il cortegi tras la vischnanca da Müstair. RTR

18 / 29

Legenda: Ils chors dal cortegi rivan puspè enavos en la tenda da festa. RTR

19 / 29

Legenda: In chor suenter l'auter, annunzià tras la bandiera da la societad. RTR

20 / 29

Legenda: Las dunnas èn per gronda part en il costum engiadinais. RTR

21 / 29

Legenda: A la testa dal cortegi la Gruppa da zampuogns Val Müstair. RTR

22 / 29

Legenda: Ils zampuogns en parada. RTR

23 / 29

Legenda: Il «fil cotschen» durant il cortegi da la festa da chant districtuala. RTR

24 / 29

Legenda: Il cortegi s'avischina a la tenda da festa a Müstair. RTR

25 / 29

Legenda: Furmaziun cun ils bandierels la dumengia. RTR

26 / 29

Legenda: La Gruppa da zampuogns Val Müstair. RTR

27 / 29

Legenda: A l'ur da la via qua e là er aspectaturas ed aspectaturs. RTR

28 / 29

Legenda: Cotschen è la colur che dominescha tar la vestgadira da las chantaduras e chantadurs. RTR

29 / 29

Legenda: Finalmain è il cortegi er stà ina spassegiada da dumengia en furmaziun. RTR

Igl è la terza giada suenter il 2002 che Müstair organisescha ina festa districtuala (l'onn 2007 ha il vitg manà tras la festa ceciliana da chant). Il program da festa è vast ed en spezial per ils uffants vegn fatg bler per eventualmain animar in u l'auter da chantar.

Serrar

02:28

video

Li Osc' chantan davant lur busin

Or da Giuventetgna dals 17.06.2023.

laschar ir. Durada: 2 minutas 28 Secundas.

01:45

video

Il Cor viril Guardaval festivescha il da sis

Or da Giuventetgna dals 17.06.2023.

laschar ir. Durada: 1 minuta 45 Secundas.

01:25

video

Viva Voice en la Baselgia Ospiz

Or da Giuventetgna dals 17.06.2023.

laschar ir. Durada: 1 minuta 25 Secundas.

01:40

video

Impressiun dal concert a la fin dal KidsDay a Müstair

Or da Giuventetgna dals 16.06.2023.

laschar ir. Durada: 1 minuta 40 Secundas.

01:46

video

Chant communabel en tenda da festa

Or da Giuventetgna dals 17.06.2023.

laschar ir. Durada: 1 minuta 46 Secundas.

1 / 65

Legenda: Concentraziun durant il chant cuminaivel en tenda. RTR

2 / 65

Legenda: Tut ils chors chantan communablamain en la tenda da festa. RTR

3 / 65

Legenda: Ils bandierels en posiziun da partenza per l'act uffizial da la festa da chant districtuala en Val Müstair. RTR

4 / 65

Legenda: Dama d'onur cun bandierels entant sin la tribuna. RTR

5 / 65

Legenda: Tenda da festa fullanada a Müstair. RTR

6 / 65

Legenda: Quels che n'han betg plazza en la tenda, taidlan il chant dal chor da Livigno. RTR

7 / 65

Legenda: Ils bandierels marschan en sala. RTR

8 / 65

Legenda: Il chor Monte Neve da Livigno, circumdà da las bandieras dals chors. RTR

9 / 65

Legenda: Daniel Pitsch, il vice-president da la Val Müstair. RTR

10 / 65

Legenda: Guido Mittner, il president dal comitè d'organisaziun da la festa a Müstair. RTR

11 / 65

Legenda: Las differentas bandieras che fan parada. RTR

12 / 65

Legenda: Curt avant l'act ufficial en la tenda da festa. RTR

13 / 65

Legenda: Grazia ad in ventin, daventan las temperaturas pli agreablas a Müstair. RTR

14 / 65

Legenda: A la festa datti adina puspè occasiun per far ina u l'autra batterlada. RTR

15 / 65

Legenda: Il chor da Livigno Monte Neve sin tribuna. RTR

16 / 65

Legenda: RTR

17 / 65

Legenda: Il Cor viril Guardaval festivescha ses success a la festa districtuala da chant a Müstair. RTR

18 / 65

Legenda: Gian Reto Sonder, co-dirigent dal Cor viril Guardaval preschenta losch il diplom cun la nota 6. RTR

19 / 65

Legenda: Il chant liber attira blera glieud in il Plaz Grond amez Müstair. RTR

20 / 65

Legenda: Adina puspè chant spontan sin las plazzas. RTR

21 / 65

Legenda: Il chor da giast Li Osc durant in concert en la tenda da festa. RTR

22 / 65

Legenda: La presidenta da l'Uniun da chant Engiadina, Barbara Camichel. RTR

23 / 65

Legenda: Ed anc adina rivan blers ch'han bunder e vulan tadlar chant a Müstair. RTR

24 / 65

Legenda: Chant talian dal chor Li Osc'. RTR

25 / 65

Legenda: Il chor da la Valfurva en acziun a Müstair. RTR

26 / 65

Legenda: Il star da cumpagnia è central ad ina festa da chant. RTR

27 / 65

Legenda: Commembras e commembers dal Coro misto Bregaglia èn cuntents e levigads suenter lur chant da gara da success. RTR

28 / 65

Legenda: Il bus dad RTR pusiziunà per vus amez la festa da chant districtuala a Müstair. RTR

29 / 65

Legenda: Las bandieras dals differents chors en parada. RTR

30 / 65

Legenda: Ils chantadurs dal Cor Viril Zernez da buna luna en la tenda da festa. RTR

31 / 65

Legenda: Aura perfetga per ina festa da chant. RTR

32 / 65

Legenda: Blera lavur sur mezdi per ils numerus gidanters e gidantras. RTR

33 / 65

Legenda: Il proxim chor (Coro Misto Bregaglia) è gia en pusiziun da partenza davant la baselgia. RTR

34 / 65

Legenda: Pausa da mezdi per ramassar puspè energia per il suentermezdi. RTR

35 / 65

Legenda: Robert Rietmann, il vice-president dal Cor Viril Alpina Müstair. RTR

36 / 65

Legenda: Anna Lea Janett dal Cor masdà Tschlin. RTR

37 / 65

Legenda: Star mintgatant en sumbriva gida. RTR

38 / 65

Legenda: Colonnas davant porta da baselgia. RTR

39 / 65

Legenda: Il Cor Viril Guardaval en viadi cun bandiera. RTR

40 / 65

Legenda: Ils experts observan las represchentaziuns dals chors e las valiteschan. RTR

41 / 65

Legenda: Tenda da festa plaina durant la pausa da mezdi. RTR

42 / 65

Legenda: Armon Parolini, dirigent Cor viril Engiadina Bassa. RTR

43 / 65

Legenda: Amaturas ed amaturs dal chant èn viagiads en Val Müstair per giudair la prestaziun dals chors. RTR

44 / 65

Legenda: Costums tradiziunals da vesair durant il chant liber sin il plaz amez la vischnanca. RTR

45 / 65

Legenda: Il chor mixt cun chantadurAs da Samedan e Schlarigna en viadi a la festa. RTR

46 / 65

Legenda: Baselgia plaina durant las represchentaziuns da gara. RTR

47 / 65

Legenda: Spezialas figuras da sumbriva datti er – grazia al sulegl che splendura. RTR

48 / 65

Legenda: Arriv da las chantaduras e chantadurs en ils tipics costums engiadinais. RTR

49 / 65

Legenda: Avant il chant davant expertAs èn ils chantadurs anc tut lucs. RTR

50 / 65

Legenda: Collonas davant las baselgias nua ch'ils chors chantan. RTR

51 / 65

Legenda: En baselgia vali: simplamain tadlar e giudair. RTR

52 / 65

Legenda: Bruno Canova dal Cor viril Samedan durant il gieu «Tge chaussas». RTR

53 / 65

Legenda: La dirigenta Michela Duschletta dal Cor Viril Zernez. RTR

54 / 65

Legenda: Maletgs tipics ch'ins vesa la fin d'emna a Müstair: tschiel blau e costums da bellezza. RTR

55 / 65

Legenda: Gian Carlo Simonelli cun il patent per trenar la vusch avant il chant. RTR

56 / 65

Legenda: Il chor Viva Voce durant il concert en baselgia. RTR

57 / 65

Legenda: La festa da chant districtuala – in eveniment era per giuvnas. RTR

58 / 65

Legenda: Bleras aspectaturas ed aspectaturs han chattà la via a Müstair. RTR

59 / 65

Legenda: Bell’aura e buna luna durant la festa da chant, er tranter ils totalmain passa 120 voluntaris. RTR

60 / 65

Legenda: En Clostra Son Jon na dastga betg vegnir splatschà – perquai ha il public chattà in’autra varianta. RTR

61 / 65

Legenda: Ils dus giurors durant la lavur en Clostra Son Jon. RTR

62 / 65

Legenda: Radio Live a Müstair dat era la chaschun da s’inscuntrar cun noss team avant lieu. RTR

63 / 65

Legenda: Ils emprims chors arrivan a Müstair a la festa districtuala da chant. RTR

64 / 65

Legenda: Avant che sa preschentar davant la schuria ha il chor viril Alpina Val Müstair da chantar en davant baselgia. RTR

65 / 65

Legenda: La Clostra Son Jon: In dals lieus nua ch’ils chors sa preschentan davant la schuria. RTR

Producziuns da gara

Dals 20 chors annunziads sa preschentan mintgamai 10 en la baselgia Ospizi e 10 en la baselgia da la claustra Son Jon. Mintga chor ha elegì duas fin quatter chanzuns. Il repertori da chanzuns è vast, da cumponists rumantschs da pli baud e cumponists rumantschs odierns, Beatles, Bob Dylan ed Abba fin a chanzuns africanas. Suenter las producziuns concerteschan trais chors ospitants en la tenda da festa nua ch'i dat la saira l'act uffizial ed ils chors generals.

La dumengia è planisà in cortegi da tuts ils chors da la Posta Müstair fin la tenda da festa. Silsuenter datti in cult divin accumpagnà dal Gospelchor Dübendorf e la festa va lura a fin cun chantar en cuminanza.

Radio live da Müstair

Sco gia a la festa districtuala da musica a Val è il radio RTR er preschent a Müstair. Il bus d'emissiun è plazzà sin il Plaz Grond, en la zona d'inscunter nua ch'ils chors pon er sa preschentar en il liber. RTR rapporta live sonda da las 10:00 – 14:00 e la saira las 16:00 – 18:00.

Kidsday

03:11

video

KidsDay durant la Festa da chant a Müstair

Or da Telesguard dals 16.06.2023.

laschar ir. Durada: 3 minutas 11 Secundas.

Per animar ils uffants al chant datti venderdi ils 16 da zercladur in «Kidsday» per scolaras e scolars da l'Engiadina, las valladas dal sid e Samignun cun il tema «chant». Il suentermezdi vegnan las chanzuns ellavuradas lura preschentadas en tenda da festa. Il medem mument sa preschentan er divers chors d'uffants indigens.

1 / 10

Legenda: Cun gronda (u er main gronda) motivaziun èn var 600 uffants arrivads venderdi damaun a Müstair. RTR

2 / 10

Legenda: En plirs workshops vegnan ils uffants en contact cun chant e musica. Durant ils workshops elavureschan ils uffants pliras chanzuns che vegnan preschentadas il suentermezdi. RTR

3 / 10

Legenda: Chantar, splatschar e rir: Cun il Kidsday duain ils uffants chattar il plaschair vid il chant, moviment e musica. RTR

4 / 10

Legenda: Il workshop da saut en la sala da gimnastica RTR

5 / 10

Legenda: 600 uffants e giuvenils sa han scuntrads a Müstair. RTR

6 / 10

Legenda: Pronts e motivads per il Kidsday a Müstair RTR

7 / 10

Legenda: Chantar da cumpagnia fa plaschair RTR

8 / 10

Legenda: Er muviment tutga tar il chantar RTR

9 / 10

Legenda: Ils 600 uffants chantanz cuminaivel en la tenda da festa RTR

10 / 10

Legenda: La tenda da festa sa è bain emplida RTR

Ed uschia ha quai lura tunà en tenda da festa cura che tut ils uffants han chantà.

01:40

video

Impressiun dal concert a la fin dal KidsDay a Müstair

Or da Giuventetgna dals 16.06.2023.

laschar ir. Durada: 1 minuta 40 Secundas.