Siglir tar il cuntegn

2018 - Rezia Cantat Chantar en per Chiavenna – en «La Canorta» da RTR

En paucs dis chantan chors grischuns mordio a la festa chantunala da chant a Chiavenna – RTR sa prepara cun vus.

Guido Derungs è live tar nus en il studio.
Legenda: Guido Derungs è live tar nus en il studio. RTR

En la nova emissiun «La Canorta» è il chantadur passiunà Guido Derungs voss ospitant. Cun var 50 onns experientscha sco chantadur en dus differents chors sa el da tge ch'el discurra ed è pront per sa preparar ensemen cun vus sin la gronda festa «Rezia Cantat» dals 8 fin ils 10 da zercladur a Chiavenna.

L'emprima giada ha «La Canorta» avert ils 24-04-2018 sias portas. Ulteriuras emissiuns èn stadas ils 08-05 e 22-05.

La davosa emissiun è ils 05-06 da las 19:00 fin las 20:00 sin il Radio Rumantsch.

Mintga entschatta è greva

L'entschatta haja el bain gì in pau bregia da vegnir en la materia, però suenter saja lura ì «nagut uschè mal» , ha Gudio Derungs manegià suenter ch'el aveva dumagnà sia emprima emissiun tar RTR.

Jau hai savì ch'i vegnia insatge bun, perquai che nus faschain mo bunas chaussas.
Autur: Guido DerungsModeratur da «La canorta»