Ils instruments da sturs traglischa, las manduras stattan adret, l'egliada è focussada: Las musicantas ed ils musicants che sa participeschan a la festa da musica chantunala ad Arosa èn sa preschentads oz cun in bouquet da differents tocs musicals sco er marschs.
audio
Discurs cun il veteran Teofil Manetsch
02:56 min, ord Actualitad dals 22.06.2019.
laschar ir. Durada: 2 minutas 56 Secundas.
audio
Sin viadi ad Arosa
02:21 min, ord Actualitad dals 22.06.2019.
laschar ir. Durada: 2 minutas 21 Secundas.
En las salas da concert
Las societads da musica sa preschentan en duas zonas da silenzi: La sala da congress e la sala polivalenta en scola. Là suna mintga societad in toc da pag ch'ella ha pudì tscherner individual ed in toc da pensum ch'è tar tut las societads da la medema categoria il medem. Quels tocs vegnan valitads d'ina giuria. Er in vast public è sa rimnà ad Arosa per guardar las musicas en acziun.
Sin via
audio
La plievgia impedescha la concurrenza da marschar
02:25 min, ord Actualitad dals 22.06.2019.
laschar ir. Durada: 2 minutas 25 Secundas.
Sper la producziun en las salas da silenzi sa participeschan insaquantas societads da musica er a la concurrenza da marschar che vegn medemamain valitada da trais experts che accumpognan las musicas durant il marsch. Cun classichers sco «St. Triphon» ubain il «Bundesrat Gnägi-Marsch» èn las societads da musica sa miseradas l'emprim en la plievgia, en il decurs dal di dentant en da aura da belezza. Cur che la plievgia ha laschà suenter èn er adina dapli fans da musica da sturs èn sa postads als urs da la via per motivar lur musica favurita.