Siglir tar il cuntegn

Header

Navigaziun

Legenda: Tadlar il audio cransmontana2019. Durada 03:03 minutas.
03:03 min, Musica dals 21.03.2019.
cuntegn

Festas da chant e musica La 13avla festa federala da la musica populara

In eveniment cun blera musica e tradiziun.

Dals 19 als 22 da settember, en in mez onn, è a Crans Montana la 13avla festa federala da la musica populara. Quai vegn ad esser ina fin d’emna cun blera musica, inscunters, festas e tradiziuns cun var 80'000 aspectaturas ed aspectaturs.

Mintga quatter ons

La festa federala da musica populara datti già dapi l’onn 1971 e l’emprima festa è stada a Sargans. Suenter es’i vinavant a Horw, Winterthur, Interlaken, Martigny, Küssnacht, Appenzell, Bulle e Stans. Er en il Grischun hai dà ina da questas festas, il 2011 a Cuira – e l’ultima è stada il 2015 ad Aarau.

ina chapella da musica populara
Legenda: Cuira 2011: musica sin via RTR

Pli che 1300 musicantas e musicants

Tar las ultimas festas èn sa participads sur 1'300 musicantas e musicants cun 650 orgelets, 250 contrabass, 200 clarinettas, 180 accordeons, 48 clavazins e 13 arpets e durant trais dis hai dà atmosfera da festa, concerts ed inscunters cun giuven e vegl e la dumengia anc il cortegi tradiziunal.

clarinettas
Legenda: Cuira 2011: cun clarinettas RTR

Crans Montana 2019

Radiotelevisiun Svizra Rumantscha vegn ad esser preschenta a la 13 avla festa federala da musica populara e dals 19 als 22 da settember rapportain nus da quel eveniment.

il logo da la festa federala da musica populara
Legenda: Crans Montana 2019 MAD