500 societads ed uniuns, 25’000 musicistas e musicists e probablamain passa 200’000 visitadras e visitaders. La Festa federala da musica è il pli grond eveniment da quest gener en l’Europa. Ed ella ha lieu mintga tschintg onns. Questa giada è la stada a Montreux.
SRF, RTS, RSI e RTR han realisà communablamain ina seria da quatter emissiuns. Quellas mussan co quatter societads da musica, ina da mintga regiun linguistica, sa preparan per ir a Montreux a la Festa federala da musica. Sagogn, Schlieren, Saxon e Mendrisio – quatter uniuns en differentas classas e furmaziuns, mo tuttas cun la medema finamira: sa preparar uschè bain sco pussaivel per far il meglier rang pussaivel.
L'ultima episoda vegn emessa ils 26 da zercladur a las 17.25 en ils Cuntrasts.