In pau pli curt, in pau en in’autra furma e senza la tribuna gronda en il renumà «Dracula Club». Dentant cun insaquants osps da renum e tuttina cun in’entira massa buna musica. Quai din ils organisaturs dal festival da Jazz a San Murezzan. Enstagl d’in entir mais cuzza la 13avla ediziun dal festival be duas emnas dals 16 da fanadur fin ils dus d’avust. Ils concerts vegnan ad avair lieu oravant tut sut tschiel avert en las zonas da peduns, vi dal lai ed enturn Hauser’s. Era vid il Lej da Staz ed en il Guaud da Tais èn concerts planisads.
Tgi suna cura?
Avrir la boxSerrar la box
Gievgia 16-07: Tough Tenor (Old Town Stage)
Gievgia 16-07: Roberto Marcano & Band (Lakeside Stage)
Gievgia 16-07: Trio From Hell (Hauser's Terrasse)
Gievgia 16-07: James Gruntz (Hotel Reine Victoria)
Venderdi 17-07: Roberto Marcano & Band (Old Town Stage)
Venderdi 17-07: Trio From Hell (Lakeside Stage)
Venderdi 17-07: Tough Tenor (Hauser's Terrasse)
Venderdi 17-07: Klaus Doldinger's Passport (Hotel Reine Victoria)
Sonda 18-07: St. Moritz Dream Orchestra (Guaud da Tais)
Sonda 18-07: Trio From Hell (Old Town Stage)
Sonda 18-07: Tough Tenor (Lakeside Stage)
Sonda 18-07: Roberto Marcano & Band (Hauser's Terrasse)
Venderdi 31-07: Peter Lenzin Band (Hauser's Terrasse)
Venderdi 31-07: Afra Kane (Hotel Reine Victoria)
Sonda 01-08: Ida Jane (Old Town Stage)
Sonda 01-08: Peter Lenzin Band (Lakeside Stage)
Sonda 01-08: Jordans Drive (Hauser's Terrasse)
Sonda 01-08: Nicole Bernegger (Kulm Country Club)
Dumengia 02-08: The Waffle Machine Orchestra (Hauser's Terrasse)
Dumengia 02-08: Michael von der Heide feat. Heidi Happy (Hotel Reine Victoria)
Blers Svizzers ed insaquants da la vischinanza
Perquai ch’ils organisaturs dal festival da Jazz San Murezzan vulan sustegnair la scena da musica svizra e perquai che blers cunfins èn anc adina serrads èn bleras artistas e blers artists svizzers da chattar en il line up da quest onn. Per exempel il chau da la gruppa Yello, Dieter Meier, James Gruntz, Veronica Fusaro u Michael von der Heide ensemen cun Heidi Happy. Ma era insaquants acts internaziunals chattan la via en l’Engiadina. Per exempel la pianista coreana Younee u era l'accordeonist virtuos franzos Richard Galliano che festivescha quest onn ses giubileum da tribuna da 50 onns. Uschia po il festival da Jazz 2020 era en sia furma nova e scursanida porscher in vast e divertent program.