Siglir tar il cuntegn

Festivals 1 areal – bleras tendas

Pli baud ch'ins è avantlieu, pli enavant ch'ins è cun star en colonna e pli spert ch'ins è sin l'areal e megliers plazs ch'ins survegn. Ma nua èn ils megliers plazs?

Tendas.
Legenda: Cunzunt ils plazs dasper ils passagis èn tschertgads. RTR, Oceana Galmarini

Tgi che vul contemplar sto cumbatter

Il pli emprim s'empleneschan – logicamain – las planiras. Betg mintga plaz sin la planira è dentant tuttina popular: Cunzunt ils plazs sper ils passagis èn tschertgads. E quai cunzunt perquai che quests plazs èn adattads bain per contemplar l'autra glieud che passa.

Tgi che vul in da quests plazs populars sto dentant esser pront da dar cun ils cumbels e cumbatter. Uschia datti visitaders che defineschan lur cunfins cun bindels ed i dat perfin pitschnas dispitas da territori. La fin finala vegnan ils visitaders però perina e mintgin ch'ha ses plaz.

Ina giada in plaz – adina in plaz

E per fortuna n'han betg tuts il medem gust. Uschia datti er blers che desidereschan da metter si lur tenda en in spazi pli ruassaivel, nua ch'ins è pli lunsch davent da la musica e da las grondas massas da glieud.

I n'importa betg tge preferientschas ch'ins ha, i para che tgi ch'è ina giada sa decidì per in plaz, stat er fidaivel a quel. Uschia vul la gronda part dals visitaders metter si la tenda en il medem lieu sco ils onns avant.

RR open air Lumnezia live