-
Bild 1 von 21. Durant las emprovas:. Mauro ed Esther da «Vent Negru» sin il palc a Cesky Krumlov. Bildquelle: RTR, Jachen Prevost.
-
Bild 2 von 21. Vent Negru durant las emprovas. al festival da folk da la EBU a Cesky Krumlov. Bildquelle: RTR, Jachen Prevost.
-
Bild 3 von 21. «Vent Negru» durant las emprovas. Maruo Garbani ed Esther Rietschin fan soundcheck. Bildquelle: RTR, Jachen Prevost.
-
Bild 4 von 21. Mauro Garbani –. accordeonist e ghitarrist da «Vent Negru». Bildquelle: RTR, Jachen Prevost.
-
Bild 5 von 21. Esther Rietschin –. la saxofonista e chantadura da «Vent Negru». Bildquelle: RTR, Jachen Prevost.
-
Bild 6 von 21. Il concert da «Vent Negru». al festival da folk da la EBU. Bildquelle: MAD, Khalil Baalbaki.
-
Bild 7 von 21. «Vent Negru» –. il duo dal Tessin al festival da folk da la EBU. Bildquelle: MAD, Khalil Baalbaki.
-
Bild 8 von 21. Esther Rietschin –. chantadura e saxofonista da «Vent Negru». Bildquelle: MAD, Khalil Baalbaki.
-
Bild 9 von 21. Mauro Garbani –. chantadur, accordeonist e ghitarist da «Vent Negru». Bildquelle: MAD, Khalil Baalbaki.
-
Bild 10 von 21. «Vent Negru» al festival da folk da la EBU:. Mauro Garbani ed Esther Rietschin da «Vent Negru» cun Jachen Prevost da RTR. Bildquelle: RTR, Jachen Prevost.
-
Bild 11 von 21. «Federspiel», la furmaziun da l'Austria:. ina furmaziun cun set musicants da vaglia. Bildquelle: RTR, Jachen Prevost.
-
Bild 12 von 21. Lepistö & Lehti:. in duo da la Finlanda. Bildquelle: RTR, Jachen Prevost.
-
Bild 13 von 21. Il «Valday Quintet»:. ina furmaziun da la Russia. Bildquelle: RTR, Jachen Prevost.
-
Bild 14 von 21. Cesky Krumov la saira –. il chastè illuminà. Bildquelle: RTR, Jachen Prevost.
-
Bild 15 von 21. Sin via vers il chastè da Cesky Krumlov –. il chastè cun sia gronda tur. Bildquelle: RTR, Jachen Prevost.
-
Bild 16 von 21. Cesky Krumlov –. la citad veglia cun blera atmosfera. Bildquelle: RTR, Jachen Prevost.
-
Bild 17 von 21. Cesky Krumlov ed il flum Vltava –. vista giu dal chastè. Bildquelle: RTR, Jachen Prevost.
-
Bild 18 von 21. La citad veglia da Cesky Krumlov –. ina bella vista giu dal chastè. Bildquelle: RTR, Jachen Prevost.
-
Bild 19 von 21. Il chastè imposant sur Cesky Krumlov –. in edifizi da dimensiuns impressiunantas. Bildquelle: RTR, Jachen Prevost.
-
Bild 20 von 21. La Vltava –. il flum a Cesky Krumlov. Bildquelle: RTR, Jachen Prevost.
-
Bild 21 von 21. Vent Negru. durant lur concert a Cesky Krumlov. Bildquelle: MAD, Khalil Baalbaki.
«Vent Negru» è in vent da la Val Onsernone che maina bell’aura. E quai è er in duo che fa musica che sa basa sin la tradiziun da las chanzuns e tocs instrumentals dal sid da las Alps.
Esther Rietschin è ina musicista e teatrista oriunda da Basilea ch'è sa platgada en il Tessin. Là ha ella fatg amicizia cun Mauro Garbani ed els dus han furmà avant 26 onns «Vent Negru». Mauro Garbani vegn da la Val Onsernone ed enconuscha fitg bain la tradiziun da chant e musica da la regiun ed er la vita da muntogna. Da mastergn era el scrinari, ha però decidì da sa deditgar plainamain a la musica. En il repertori da «Vent Negru» èn surtut sauts dal sid da las Alps, balladas e chanzuns che quintan da l’amur, festas, da la vita quotidiana e da l’emigraziun. lur instruments èn organetto, ghitarra, saxofon, accordeon, flautas, okarina e percussiun.
La EBU - l’Uniun dals radios e da las televisiuns publicas da l’Europa
La EBU cun sedia a Genevra unescha 72 instituziuns da radio e televisiun da 56 pajais. Tranter auter organisescha ella mintg’onn il «Eurovision Song Contest», procura però er per in barat d’emissiuns e tgira la standardisaziun dal svilup tecnic.
-
Bild 1 von 1.
Il festival da folk da la è in eveniment da tradiziun cun musicistas e musicants che vegnan da tut l’Europa e che cultiveschan ils pli differents stils da musica populara e da folk. Quest festival è vegni organisà gia per la 38avla giada, e quest onn è el ina part dal festival da musica da Cesky Krumlow en Tschechia. Da la partida èn stadas 21 furmaziuns da la Scandinavia, dal Balcan, dal Balticum, da la Spagna ed er da la Svizra.
RR La populara 19:00