Curdin e Domenic Janett han passentà bler temp cun far musica. Emprovas e concerts cun la musica da Tschlin e sunar notgs a la lunga, cura ch'i deva in bal. Cun ils «Fränzlis da Tschlin» èn els lura daventads enconuschents. Curdin e Domenic han però era blers auters engaschaments, e dapi in pèr onns sunan els era sco duo. Cun l'orgel da maun e clarinetta preschentan els l’essenzial da lur percurs musical cun elements da l’Engiadina ed in pau exotica da sur cunfin.
Far viadi en Russia n'è betg simpel
Da la dumonda, sch'els avessan gust da preschentar lur musica a Moscau al festival da folk da l’Uniun dals radios e da las televisiuns publicas da l’Europa (EBU/UER), èn els immediat stads intgantads. Uschia avain nus planisà noss viadi. Ed ir en Russia n’è betg simpel!
Organisar in sgol è spert fatg. Trametter infurmaziuns e fotografias als organisaturs era. Pli pretensius vegni, cura ch’i va per in visum. Quel survegn ins be cun conferma da l'organisatur russ. E fin che tut è avant maun, ston ins emplenir divers formulars ed avair confermas da l’assicuranza da malsauns. In pèr dis avant la partenza arriva il visum dal consulat russ a Berna. Lura mancan sulettamain in pèr rubels per expensas pli pitschnas a Moscau.
Il festival da folk da la EBU, in eveniment da tradiziun
Il festival da la EVU datti dapi il 1980, ed el ha fatg staziun en citads da tut l’Europa: Da Førde en la Norvegia, Cork en l’Irlanda, Segovia en Spagna, Viljandi en l’Estonia e quest onn a Moscau. Er la 39avla ediziun è deditgada a la musica populara – da folk e folclora da tut l’Europa – e vuless mussar sia gronda ritgezza e varietad. Però era procurar per inscunters che collian pajais e culturas è ina da las finamiras. In’autra è quella da preservar tradiziuns unicas e da las far udir ad in auditori pli grond.
Il festival da quest onn è vegnì organisà a Moscau da «Radio Orpheus», ina staziun statala che tgira musica classica e tradiziunala, e che ha divers orchesters e chors da gronda qualitad. Las represchentaziuns dal festival èn stadas dals 26 fin ils 28 da matg en la sala da concerts da la tur da televisiun Ostankino ch'ha plaz per 750 persunas.
La furmaziun svizra
Il duo «Curdin e Domenic Janett» ha fatg il 2014 in disc cun il titel «Invenziuns» cun atgnas cumposiziuns, tocs tradiziunals ed er tocs d’auters cumponists sco Giacomo Sartori e Harald Haugaard.
Lur concert al Festival da Folk da la EBU a Moscau emetta il Radio Rumantsch gievgia, ils 21 da zercladur a las 19.00.
Curdin e Domenic Janett, dus «Tschiainders» a Moscau
-
Bild 1 von 8. Curdin e Domenic Janett . tar la tur da televisiun da Ostankino. Bildquelle: Jachen Prevost.
-
Bild 2 von 8. Curdin e Domenic Janett. avant lur concert. Bildquelle: Jachen Prevost.
-
Bild 3 von 8. Domenic e Curdin . durant il soundcheck. Bildquelle: RTR, Jachen Prevost.
-
Bild 4 von 8. Domenic e Curdin Janett. sin il palc da la sala da concerts Ostankino. Bildquelle: MAD, Vladimir Sokolov.
-
Bild 5 von 8. Domenic e Curdin Janett. han survegnì bleras reacziuns. Bildquelle: MAD, Vladimir Sokolov.
-
Bild 6 von 8. Domenic Janett e ses fans. Ina dunna russa ha dissegnà ils dus musicants. Bildquelle: RTR, Jachen Prevost.
-
Bild 7 von 8. Curdin Janett. Cun in dissegn fatg durant il concert. Bildquelle: RTR, Jachen Prevost.
-
Bild 8 von 8. Curdin e Domenic Janett. cun Jachen Prevost da Radiotelevisiun Svizra Rumantscha. Bildquelle: MAD, Vladimir Sokolov.
Furmaziuns dal festival da folk a Moscau
-
Bild 1 von 7. Pascal Labrie, repunsabla musica tar la EBU. cun ina gruppa da folclora russa. Bildquelle: RTR, Jachen Prevost.
-
Bild 2 von 7. Folk'Avant. in trio da la Svezia. Bildquelle: RTR, Jachen Prevost.
-
Bild 3 von 7. Intervista cun Folk'Avant. in trio da la Svezia. Bildquelle: RTR, Jachen Prevost.
-
Bild 4 von 7. Il Bulgarka Junior Quartet. ina furmaziun da la Bulgaria. Bildquelle: RTR, Jachen Prevost.
-
Bild 5 von 7. Hona. ina furmaziun da la Corea dal Sid. Bildquelle: RTR, Jachen Prevost.
-
Bild 6 von 7. L'orchester da corns. ina furmaziun russa. Bildquelle: RTR, Jachen Prevost.
-
Bild 7 von 7. Patriciya Svitina da la Belorussia. cun ses ensemble. Bildquelle: RTR, Jachen Prevost.
Impressiuns da Moscau
-
Bild 1 von 11. La tur da televisiun Ostankino. in stabiliment imposant cun 540 meters autezza. Bildquelle: Jachen Prevost.
-
Bild 2 von 11. La tur da televisiun Ostankino. en la glisch da la saira. Bildquelle: Jachen Prevost.
-
Bild 3 von 11. Vista vers ost da la tur da Ostankino. cun il hotel Cosmos en furma da C. Bildquelle: RTR, Jachen Prevost.
-
Bild 4 von 11. Vista da la tur da Ostankino. sur tut la citad da Moscau. Bildquelle: RTR, Jachen Prevost.
-
Bild 5 von 11. Il monumenr da Juri Gagarin. il cosmonaut ch'è in herox en Russia. Bildquelle: Jachen Prevost.
-
Bild 6 von 11. Il Cosmos a Moscau. cun 1777 stanzas in dals pli gronds hotels dal mund. Bildquelle: Jachen Prevost.
-
Bild 7 von 11. L'hotel Cosmos a Moscau. in stabiliment cun 25 plauns. Bildquelle: Jachen Prevost.
-
Bild 8 von 11. Sin la plazza cotschna a Moscau. cun in grond public. Bildquelle: Curdin Janett.
-
Bild 9 von 11. Il grond negozi. sin la plazza cotschna a Moscua. Bildquelle: Curdin Janett.
-
Bild 10 von 11. Sin la plazza cotschna a Moscau. cun il mausoleum da Lenin. Bildquelle: Curdin Janett.
-
Bild 11 von 11. La Moskwa. il flum en la chapitala russa. Bildquelle: Curdin Janett.