La citad Groningen
-
Bild 1 von 10. Ina stizun giavischa in bel festival als visitaders. Bildquelle: RTR, Danilo Bavier.
-
Bild 2 von 10. Dapertut placats e velociclists. Bildquelle: RTR, Danilo Bavier.
-
Bild 3 von 10. Dapertut placats dal Eurosonic Festival. Bildquelle: RTR, Danilo Bavier.
-
Bild 4 von 10. La citad veglia da Groningen, cun vista sin il clutger da la baselgia principala. Bildquelle: RTR, Danilo Bavier.
-
Bild 5 von 10. In canal per bastiments va tras Groningen. Bildquelle: RTR, Danilo Bavier.
-
Bild 6 von 10. Tipic per l'Ollanda: Bellas chasas e massa, massa velos. Bildquelle: RTR, Danilo Bavier.
-
Bild 7 von 10. La plazza da martgà da peschs e belleza chasas tradiziunalas. Bildquelle: RTR, Danilo Bavier.
-
Bild 8 von 10. Gia durant il di entaupan ins dapertut musicists che van tras la citad cun lur urden. Bildquelle: RTR, Danilo Bavier.
-
Bild 9 von 10. Il Grand Theatre cun il pli grond local da concert, amez Groningen. Bildquelle: RTR, Danilo Bavier.
-
Bild 10 von 10. Il club Vera è in dals lieus da concert centrals dal Festival Eurosonic. Bildquelle: RTR, Danilo Bavier.
Ed ils locals e clubs – quels fan impressiun. Da la veglia sala da chavaliers, sur il club modern fin tar il tschaler u la sala da teater. Mintgin dals locals ha ses agen scharm, ed ins percorscha ch’ils organisaturs fan blers buns patratgs durant l’organisaziun dal festival. Pertge mintga furmaziun u stil da musica va a prà perfetg cun la localitad nua ch’ella sa preschenta.
Ils trais acts da la mesemna che persvadan
John Grvy da la Spagna
- In bass che lascha stremblir il cor.
Dat a mintga chanzun ina nova vusch,
savens cun effects electronics.
È fitg activ sin tribuna,
però la banduna'l era savens per sautar amez il publicum.
I n’è betg ì ditg enfin che John è vegni da tschiffar e gudagnar il public. Suenter tschintg, diesch minutas era l’entira sala en moviment, cunzunt las dunnas eran fitg intgantadas dad el. Quai na fa insumma betg surstar, tar quest excellent entertainer cun quella musica.
Fil Bo Riva da l’Italia e Germania
- Folk en ina nova e nunusitada furma.
- Il bass vegn sulettamain da la percussiun, l’accumpagnament vegn da la ghitarra electrica e lura il Fil Bo Riva cun sia marcanta vusch e ghitarra acustica.
- Cun sia vusch sa metta el en retscha cun Annenmaykantereit u Faber.
Il club era pli che plain ed il giuven Talian che viva a Berlin ha purschì in bun concert. Dentant il davos kik ha mancà, il davos pep en las chanzuns mancan anc tar Fil Bo Riva. Sin il palc n’è el deplorablamain anc betg in entertainer. Cun ses giuvens 23 onns ha el anc avunda temp da sa sviluppar.
Nossa Ursina
- Ina chantautura ch’ins na vegn musicalmain betg propi da parter tiers. È sia musica uss plitost svizra, ubain plitost islandaisa u forsa tuttina danaisa.
- In stil da musica ch’è influenzà da la natira e da carstgauns.
- In format internaziunal – che mida vi e nà dal rumantsch tar l’englais.