Eurosonic Festival: per la terza

Il venderdi, il terz di a Groningen, è stà il di da la musica experimentala, dal maraton da sautar e dal stemprà cun ferma plievgia.

Suenter la top saira da concerts che nus avain gì la gievgia era quai cler ch’i vegn a vegnir grev d’era far talmain grondas scuvridas il venderdi. Ils propi gronds puncts culminants e las mega surpraisas èn stads pli rars.

Ils trais acts che han persvas il venderdi

Møme durant ses concert cun ina ghitarra che fa cazzola. Avrir maletg en lightbox.

Legenda da maletgs: Møme en il local Simplon. RTR, F. Tuor

Møme da la Frantscha

  • Hippster electro che plascha cunzunt a las giuvnas
  • DJ, electro e ghitarrist – tut en in pachet
  • Fitg grond plaschair da giugar

Mome, il giuven da Paris, è ina persunalitad sco in vulcan. Cumenzà il concert ha el pacific, armonic e chillig. Pli ditg ch’il concert gieva e pli intensivs ed explosivs ch’el vegniva. Quai enfin che l’entira sala è explodida vers la fin e propi in e scadin ha cumenzà a sautar tge ch’el pudeva. Mome n’ha betg mo infectà il public cun sia musica, mabain cunzunt era cun sia performance sin tribuna. Cun sunar sez differents instruments electronics da la ghitarra enfin tar percussiun.

Las duas giuvnas englaisas sin il palc. Avrir maletg en lightbox.

Legenda da maletgs: Let's eat grandma en la Stadsschouwburg. RTR, F. Tuor

Let’s eat grandma da l’Engalterra

  • Indie pop sco en ina stgira paraula
  • Rir n’è betg lur chaussa
  • Ellas èn pir 17 onns veglias e san sunar dapli instruments che quai ch’ina scola da musica posseda insumma

Las duas giuvnettas na barattan betg mo ils instruments ina tranter l’autra, ellas barattan era instrument da minuta tar minuta. Dal saxofon tar il keyboard, mandolina, e-ghitarra, sunaria ed enavos tar la flauta – omaduas sunan crusch e travers tut ils instruments. E bellas vuschs han ellas gist era anc. Ellas porschan ad ins tut auter ch’in rir, quai n’han ins betg survegnì dad ellas. Persuenter tiran ellas viaden ins cun ina egliada vida en lur freaky mund da musica. In concert tut spezial da duas giuvnas tut apartias, dus talents incredibels – ellas han pir 17 onns!

Me + Marie sin il palc durant lur concert. Avrir maletg en lightbox.

Legenda da maletgs: Me+Marie en la sala da concert Usva. RTR, F. Tuor

Me+Marie da la Svizra

  • Rock reducì cun duas bellas vuschs armonicas
  • Roland Vögtli è ina incredibla «Rampensau»
  • Ins senta ch’els han grond plaschair da sunar e divertir

I n’è betg stà lur perfetga saira al Eurosonic. E tuttina vuleva il public anc dapli dad els, i na levan betg laschar ir els giud tribuna: