Ensemen cun l’entira scena da musica da l’Europa ha era RTR visità il Eurosonic 2018 en la fraida e bletscha citad da students Groningen.
La missiun: scuvrir per vus la musica da damaun.
Scarlet Pleasure dal Danemarc
- Hipster-Pop modern
- Il chantadur vesa ora in zic sco Nick Carter dals «Backstreet Boys»
- Porscha ina coola show e ha chanzuns cun grond potenzial per radio
Sigrid da l’Islanda
- Precis uschia vegn la musica da pop da damaun a tunar
- Avess merità in premi per buna luna
- Ella è la pitschna dunna cun la gronda vusch, da la quala nus vegnin anc ad udir bler
IAMJJ dal Danemarc
- El fa ina maschaida ch’ins pudess numnar «Tarantino-psycho-western-sound»
- In um cun ina vusch sco in urs
- Sia musica na sa faschess betg be bain en in film da Tarantino, mabain va era bain en il radio – perquai è el gia d’udir tar nus al Radio Rumantsch!
Cari Cari da l’Austria
- Ins po metter els dal stil nà en il medem truchet cun «Me + Marie»
- La chantadura è ina extrema multi instrumentalista – ella sa par exempel era imitar cun sia vusch ina trumbetta
- Il duo dumogna da tschiffar il public cun sia musica e na lascha betg pli liber fin a la fin
Gizmo Varillas da l’Engalterra
- Indiepop melancolic che va bain a prà per la fin da la stad
- Avessan «James Gruntz» e «José Gonzalez» ensemen in uffant, fiss quai «Gizmo Varillas»
- Cun el ans pon ins giaschair enavos en il sessel e giudair il bel da la vita – il meglier cun tadlar il Radio Rumantsch, nua ch’el è gia sin la playlist
Superorganism da l’Engalterra
- Els bittan tut ils stils da musica en ina chaldera e destilleschan lura viadora l’essenza per els
- La chantadura vesa ora sco ina scolara giapunaisa da 14 onns entamez ina mega show
- Ils schurnalists da musica èn tuts dal medem maini: ad els auda il futur
Jacob Banks da l’Engalterra
- Cun sias grondas chanzuns è el il pendant musical tar Adele
- Quai è stà il concert che ha tratg ils pli blers aspectaturs. Talmain blers che ina gronda part ha stuì spetgar ordaifer en la plievgia senza udir be in sulet tun dad el.
- 2018 vegn a daventar ses onn – il fundament ha el mess al Eurosonic
Great News da la Norvegia
- Indiepop per sa sentir bain cun in grond factur per imnis
- Els èn ils umens dal nord che fan la musica per in di perfetg a la riva en il sid
- Buna musica dovra halt adina in zic pli ditg enfin ch’ella vegn scuvrida, mo era els vegnan a dumagnar il pass en ils radios e sin las tribunas da noss pajais
Isaac Gracie da l’Engalterra
- Il recept è simpel: ina bella e gronda vusch e bellas melodias da pop – da tut quai ha el pli che avunda
- Da la cumparsa fa el endament «Kurt Cobain» – musicalmain dentant plitost «James Bay»
- Curt e concis: tgi che fa talmain bella e buna musica cuntanscha franc il success, da quai essan persvas
Tgi che ha scrollà fin giudem survegn uss in per impressiuns
Anfang Bildergalerie
Bildergalerie überspringen
-
Bild 1 von 17. Bainvegni tar il Eurosonic. Bildquelle: Eurosonic, Jorn Baars.
-
Bild 2 von 17. Superorganism . en la «Machinefabriek». Bildquelle: Eurosonic, Jorn Baars.
-
Bild 3 von 17. La chantadura da «Superorganism». Bildquelle: Eurosonic, Jorn Baars.
-
Bild 4 von 17. bleras fatschas rientas pon ins observar al Eurosonic. Bildquelle: Eurosonic, Bart Heemskerk.
-
Bild 5 von 17. Sigrid . da l'Islanda en la «Stadsschouwburg». Bildquelle: Eurosonic, Jorn Baars.
-
Bild 6 von 17. Bella localitad – era en baselgias vegn chantà al Eurosonic. Bildquelle: Eurosonic, Siesa Veenstra.
-
Bild 7 von 17. Ole Kristian Einarsen . il bassist da «Great News». Bildquelle: Eurosonic, Siese Veenstra.
-
Bild 8 von 17. Gizmo Varias . – tge bel giuven. Bildquelle: Eurosonic, Jorn Baars.
-
Bild 9 von 17. La notg da mesa las duas sin las vias da Groningen. Bildquelle: Eurosonic, Jorn Baars.
-
Bild 10 von 17. Colin Benders . il «crazy producer» che zambregia nauschs beats per l'entira notg. Bildquelle: Eurosonic, Siese Veenstra.
-
Bild 11 von 17. IAMJJ . ha tschiffà il public en il «Grand Theatre». Bildquelle: Eurosonic, Baart Heemskerk.
-
Bild 12 von 17. La gronda tenda «Eurosonic Air» è adina bain emplenida. Bildquelle: Eurosonic, Siese Veenstra.
-
Bild 13 von 17. Alice Merton . che ha dumagnà l'onn passà des exploit ha era visità l'Eurosonic. Bildquelle: Eurosonic, Bart Heemskerk.
-
Bild 14 von 17. Il public vegn en massas al Eurosonic. Bildquelle: Eurosonic, Bart Heemskerk.
-
Bild 15 von 17. Grondas colonnas sco qua avant il club «Vera» èn normalitad al Eurosonic. Bildquelle: Eurosonic, Siese Veenstra.
-
Bild 16 von 17. Jacob Banks . en il «Grand Theatre». Bildquelle: Eurosonic, Siese Veenstra.
-
Bild 17 von 17. Goodbye Eurosonic fin en in onn. Bildquelle: Eurosonic, Jorn Baars.
Ende der Bildergalerie
Zurück zum Anfang der Bildergalerie.