Igl è ina pitschna, ruassaivla citad da students entamez la provinza ollandaisa. Dentant ina giada per onn sa transfurma quella simpla e modesta citad en la metropola per la scena da musica europeana. Cura ch’il Eurosonic Festival envida, sa transfurma Groningen en il da chasa per musicists, bands, bookers, persunalitads da labels, producents e natiralmain fitg blers schurnalists da musica.
Peter Sikkema – il manager dal festival
RTR ha pudì discurrer cun in dals chaus dal Eurosonic. Tge ch’el di dal festival e dal mund da musica 2017:
Il pli grond festival da l’Europa per scuvrir musica nova
Dapi onns è il festival s’etablì sco lieu nua ch’ils stars ed ils trendsetters musicals europeics da damaun vegnan scuverts. Passenger, il link avra en ina nova fanestraavrir en il browser, James Blake, il link avra en ina nova fanestraavrir en il browser, The XX, il link avra en ina nova fanestraavrir en il browser, Ben l’oncle Soul, il link avra en ina nova fanestraavrir en il browser u perfin Alvaro Soler, il link avra en ina nova fanestraavrir en il browser. Tut nums ch’èn vegnids scuverts ils ultims onns al Eurosonic.
Cun participaziun rumantscha
Quest onn han ils organisaturs envidà 300 acts da 40 differents pajais. Els sa preschentan durant quatter dis en 40 differentas localitads da concerts.
E tranter tut quels acts musicals èn era da chattar dus rumantschs:
Ursina , il link avra en ina nova fanestraavrir en il browsere Me+Marie, il link avra en ina nova fanestraavrir en il browser.
Per els è quai ina gronda schanza per la carriera musicala. I vala cunzunt da persvader cun ina buna preschentaziun bookers ed organisaturs, per uschia vegnir d’emplenir l’agenda da concerts.
Era RTR visita Groningen
Co ils dus concerts dals rumantschs han plaschì e persvadi ils preschents, e tgeninas autras scuvridas ch’i dat en l’ediziun 2017 dal Eurosonic, quai pudais vus persequitar di per di en noss radio e sin nossa pagina.