La dumengia al festival da la chanzun rumantscha ha cumenzà cun il punct da program da la chanzun d'art rumantscha. Las duas sopranistas Judit Scherrer e Sara-Bigna Janett ed il bariton Lothar Burtscher chantan accumpagnà da la pianista Alena Sojer chanzuns d'art rumantschas. Quai è chanzuns main enconuschentas dals cumponists Armon Cantieni, Warren Thew, Gion Antoni Derungs e da Benedetg Dolf.
-
Bild 1 von 9. Ils tecnicists da tun e glisch èn pronts per il davos di al festival da la chanzun rumantscha. Bildquelle: RTR, Dominic Pohle.
-
Bild 2 von 9. Giusep Giuanin Decurtins durant l'intervista cun RSI live da Trun. Bildquelle: RTR, Dominic Pohle.
-
Bild 3 von 9. Alexi e Marcus han chantà live en in'emissiun dad RSI emess live da Trun. Bildquelle: RTR, Dominic Pohle.
-
Bild 4 von 9. Il president da la SRG.R Vincent Augustin durant in'intervista spontana cun RSI. Bildquelle: RTR, Dominic Pohle.
-
Bild 5 von 9. Judit Scherrer è ina da las sopranistas che preschenta chanzuns d'art rumantschas. Bildquelle: RTR, Dominic Pohle.
-
Bild 6 von 9. La sopranista Sara-Bigna Janett ensemen cun la pianista Alena Sojer sin tribuna. Bildquelle: RTR, Dominic Pohle.
-
Bild 7 von 9. Il solist Lothar Burtscher chanta ina chanzun d'art accumpagnà da la pianista Alena Sojer. Bildquelle: RTR, Dominic Pohle.
-
Bild 8 von 9. Discussiun da podi davart «l'olma rumantscha». Bildquelle: RTR, Dominic Pohle.
-
Bild 9 von 9. Astrid Alexandre, Laura Decurtins, Peter Appenzeller, Martin Gabriel, Iso Albin e Benedetto Vigne (da sanestra). Bildquelle: RTR, Dominic Pohle.
Suentermezdi suonda ina discussiun da podi davart «l'olma rumantscha». Iso Albin, Astrid Alexandre, Peter Appenzeller, Laura Decurtins e Beneddetto Vigne discuteschan e filosofeschan davart la situaziun generala dal chant e da la musica en terra rumantscha.
Il festival ha ina cuntinuaziun
A la fin dal festival da la chanzun rumantscha a Trun ha Clau Scherrer annunzià la cuntinuaziun dal festival en l'Engiadina il 2022. Curdin Lansel ha surprendì la batgetta da Clau Scherrer d'organisar il segund festival.