Siglir tar il cuntegn

Header

Navigaziun

Las artistas ed l'artist ensemen sin tribuna.
Legenda: Las artistas ed l'artist ensemen sin tribuna. RTR, Dominic Pohle
cuntegn

Festival chanzun rumantscha La dumengia al festival da la chanzun rumantscha

Il festival da la chanzun rumantscha va envers la fin. Ils davos puncts da program èn la chanzun d'art rumantscha ed ina discussiun da podi.

La dumengia al festival da la chanzun rumantscha ha cumenzà cun il punct da program da la chanzun d'art rumantscha. Las duas sopranistas Judit Scherrer e Sara-Bigna Janett ed il bariton Lothar Burtscher chantan accumpagnà da la pianista Alena Sojer chanzuns d'art rumantschas. Quai è chanzuns main enconuschentas dals cumponists Armon Cantieni, Warren Thew, Gion Antoni Derungs e da Benedetg Dolf.

Suentermezdi suonda ina discussiun da podi davart «l'olma rumantscha». Iso Albin, Astrid Alexandre, Peter Appenzeller, Laura Decurtins e Beneddetto Vigne discuteschan e filosofeschan davart la situaziun generala dal chant e da la musica en terra rumantscha.

Il festival ha ina cuntinuaziun

A la fin dal festival da la chanzun rumantscha a Trun ha Clau Scherrer annunzià la cuntinuaziun dal festival en l'Engiadina il 2022. Curdin Lansel ha surprendì la batgetta da Clau Scherrer d'organisar il segund festival.

Clau Scherrer annunzia a la fin dal festival a Trun il proxim festival
Legenda: Il proxim festival da la chanzun rumantscha vegn ad esser l'onn 2022 en l'Engiadina. RTR, Dominic Pohle