Siglir tar il cuntegn
Inhalt

2017 - Festival da jazz «Tour de charme» entamez il Guaud da Tais

Il Festival da jazz San Murezzan organisescha a chaschun dal giubileum da 10 onns concerts en lieus pli spezials ed extraordinaris. Uschia dat il pianist Fazil Say in concert sut tschiel avert accumpagnà dal tschivliez dals utschels. Quest onn vegnan bun 50 concerts organisads.

Legende: Video «Festival da jazz» Concert en il Guaud da Tais abspielen. Laufzeit 01:01 Minuten.
Or da RTR dals 12.07.2017.

Il center artistic dal Festival da Jazz è en il «Dracula Club» a San Murezzan. Quest onn han ils organisaturs enturn l’intendant Christian Jott Jenny organisà plirs concerts ordaifer. En collavuraziun cun il chantun Grischun datti in pèr lieus da concert insolits e spectaculars.

Accumpagnà da tschivliez dals utschels

Entant ch’il «Swing Dance Orchestra» aveva intgantà cun musica da swing dal 20avel tschientaner, è il Guaud da Tais il proxim palc dal program dal Festival da jazz. Il pianist Fazil Say concertescha sin quella tribuna nua che la «Camerata Puntraschigna» envida regularmain a concerts sut tschiel avert. Il star da la Tirchia vegn a sunar il clavazin cun sustegn dal chant d’utschels ch'èn da chasa en il Guaud da Tais.

RR actualitad 11:00