Siglir tar il cuntegn

Festival da jazz San Murezzan Festival da jazz a San Murezzan 2015

09-07 fin 09-08-2015: Il festival da jazz a San Murezzan 2015 è in eveniment d’auta qualitad.

Um che suna in instrument.
Legenda: Festival da Jazz a San Murezzan. Dreamstime

Il festival da jazz a San Murezzan è daventà in eveniment d’auta qualitad e cun in program che cuntegna blers nums impurtants dal mund da jazz. Sin il palc dal Dracula Club han gia sunà Brad Mehldau, Othella Dallas, Tania Maria, Al di Meola, Lee Ritenhour, Nigel Kennedy, Richard Galliano, John Scofiled ed Al Jarreau. Però er musicists svizzers èn savens sin il program, e schizunt talents giuvens han l’occasiun da sa preschentar.

Per amaturs dal jazz en tut sias variaziuns datti concerts unics, en il club cun 150 persunas e sia atmosfera zunt speziala.

Logo dal Festival da Jazz a San Murezzan.
Legenda: Logo Festival da Jazz. MAD

16.05-2015: Il Soundcheck fa ina prevista musicala sin il Festival da jazz che ha lieu a San Murezzan.

Quel preschenta legendas e stars sco Herbie Hancock, Chick Corea, Bobby McFerrin ,
David Sanborn, Al Jarreau, Kyle Eastwood ed
Ivan Lins.

Purtret da Kyle Eastwood.
Legenda: Kyle Eastwood. ©Matthias Heyde

26.09.2015: Kyle Eastwood live dal festival da jazz a San Murezzan.

Il figl dal actur renumà Clint Eastwood è actur, cumponist e surtut bassist. Cun ses quartet è el sta al Festival da jazz a San Murezzan, e nus avain registra quel concert.

Purtret da Ivan Lins.
Legenda: Ivan Lins. Reuters

24.10.2015: Il jazzist brasilian Ivan Lins live! Il soundcheck preschenta: musica brasiliana, live dal festival da jazz a San Murezzan. Quai è il concert dal chantadur e pianist Ivan Lins, accumpagna dal gitarist Leonardo Amuedo.