Ils artists rumantschs Bibi Vaplan, Ursina Giger e Pascal Gamgoni han ponderà bain, tge pachetar per Losanna. Però era nossa moderatura Alice Bertogg che preschenta a vus il festival ha la cofra pli che plaina.
Et voilà, Alice è arrivada a Losanna. E sto sco emprim chattar tutti quanti.
Bibi Vaplan è era arrivada a Losanna. Dentant ha Bibi anc auters quitads avant il concert.
E para che Bibi Vaplan ha tschernì il il gist vesti. Ella ha attratg dapli auditurs che Patent Ochsner che han sunà avant ella.Vus pudais tadlar qua tut il concert da Bibi Vaplan.
Medemamain ha Pascal Gamboni pudì persvader l'auditori. Ma avant che el ha sunà per il Label Suisse ha el dà in concert exclusiv per vus.
Da las vias da Losanna èsi lura ì sin la tribuna.
Il medem temp è era Ursina Giger stada sin tribuna.
Ils Rumantschs han mussà tgi che sa chantar. Dentant san era ils da Losanna chantar – e quai sin rumantsch.
L'atmosfera sin las vias sco era al festival è stada geniala.
Nus schain «merci beaucoup» Losanna e fin en 2 onns.
RR actualitad