-
Bild 1 von 5Legenda: Da mezdi eran pliras tschient persunas a la staziun da Glion per midar bindel ed ir a l'open air. RTR, Carlo Albin
-
Bild 2 von 5Legenda: Cun tenda ed autra bagascha arrivan ils visitaders enturn mezdi a la staziun da Glion. RTR, Carlo Albin
-
Bild 3 von 5Legenda: L'invasiun da visitaders dal open air sa rimna a la staziun da Glion. RTR, Carlo Albin
-
Bild 4 von 5Legenda: La fulla da glieud mida l’emprim il bigliet cun in bindel da festa avant che sa metter en viadi encunter Degen. RTR, Carlo Albin
-
Bild 5 von 5Legenda: Massa glieud è stada en colonna per midar il bigliet cun in bindel. RTR, Carlo Albin
Ils trens sco er ils autos da posta ch’èn arrivads la gievgia durant il di a Glion eran bainspert pli plains che durant in di usità. Ils emprims visitaders da l’Open Air Lumnezia èn gia arrivads bun marvegl a Glion per lura far il viadi vinavant cun in bus enfin a Degen. Er la fluctuaziun dad autos è stada in bun tant pli auta ed ha per part procurà per impediments da traffic.
Midar bindel gia a Glion
Tar la staziun da Glion han ils organisaturs drizzà en stans nua ch’ils visitaders pon midar lur bigliet per in bindel da festa. Curt avant mezdi cur che plirs trens èn arrivads aveva quai ina brava colonna avant ils stans.
La gievgia vers las tschintg parevi dentant che la gronda fulla era vargada. En il center da Glion ed er als stans da midar bindels era la situaziun puspè sa calmada.
RTR