OAL: «Cashless» – problems tar registraziun

Tar la registraziun online sin il nov sistem da pajar a l’Openair Lumnezia sai dar difficultads. Motiv è in sbagl da stampa tar Starticket.

Problems tar la registraziun sin il nov sistem da pajar. Bild in Lightbox öffnen.

Legenda da maletgs: Problems tar la registraziun sin il nov sistem da pajar. Montascha RTR

Tgi che ha empustà il bigliet per il 33 avel Openair Lumnezia tar l'interpresa Starticket e laschà furnir el a chasa, na sa betg sa registrar ordavant per il nov sistem da «cashless».

Tar il furnitur da bigliets hai da in sbagl da stampa. Il code da 22 cifras, ch’è necessari per sa registrar, ha sulettamain 21 cifras. Quai n'ha dentant nagina influenza sin l’entrada, mabain sulettamain sch’ins vuleva chargiar pacific da chasa anora daners sin il nov sistem da «cashless».

Tuttina, tge far sch’ins vul anc chargiar si daners da chasa anora?

  • Scriver a cashless@starticket.ch ed alura trametta Starticket l’entir code da 22 cifras per mail.
  • Sin il bindel ch’ins survegn tar l’entrada è inditgà il code cumplet. Alura èsi anc adina pussaivel da sa registrar via telefonin.

RR actualitad 17:40