Siglir tar il cuntegn

Header

cuntegn

Festivals «Tumasch è» – il victur da Suns 2017 ad Udine

Suenter il success da «Me and Marie» il 2015 gudogna puspè ina chanzun rumantscha il festival Suns ad Udine: «Jeu sai buc» da «Tumasch è».

Il festival SUNS ha la sonda passada per la 10avla giada gì lieu en la chapitala furlana Udine. Otg furmaziuns han preschentà lur chanzuns al festival per linguas minoritaras.

Quel festival ch'è il pli grond da ses gener, ha in vast program. Sper la musica datti er in focus spezial sin litteratura, film ed art da minoritads en tut l'Europa. SUNS è in project dal radio Onde Furlane, ina cooperativa che s’engascha per lingua e cultura dals furlans.

audio
Tumasch è gudogna Suns
ord Musica dals 03.12.2017.
laschar ir. Durada: 3 minutas 53 Secundas.

Il «Teatro Giovanni» è stà emplenì, musica da tut ils geners sin aut livel ed ina babilonia da linguas da tut l’Europa han contribuì a l'atmosfera. Quai è SUNS, il festival che unescha minoritads, lur linguas e culturas durant ina fin d’emna.

Otg furmaziuns, selecziunadas dals organisaturs da sur 30 propostas inoltradas, han preschentà lur chanzuns en lur lingua. Persvadì il pli fitg ha la chanzun rumantscha da «Tumasch è».

audio
Intervista per furlan cun Leo Virili directur artistic da SUNS
ord Musica dals 02.12.2017.
laschar ir. Durada: 2 minutas 51 Secundas.

SUNS per la 10 avla giada

Il festival è in eveniment per far la punt tranter las differentas minoritads da l’Europa. Il 2009 ha SUNS per l'emprima giada gì lieu ad Udine ed il 2011 l'emprima giada sin territori grischun, a Falera. Quest onn è il festival puspè vegni organisà ad Udine. Da la partida èn sper Rumantschs er stads ils Valis, Furlans, Ollandais da la bassa Saxonia, Bascs, Bretons, ed ina gruppa da la Galicia.

RR novitads 06:00

Artitgels legids il pli savens