Siglir tar il cuntegn
cuntegn

Turnea da festivals 2018 En in hui passà – l’Open Air Lumenzia 2018 è a fin

I saja stà in fitg bun open air, din ils organisaturs da l’OAL 2018. Malgrà las capriolas gia usitadas da l’aura lumneziana, n’ha l’atmosfera dal festival betg patì.

Public tar in concert a l'Open Air Lumnezia
Legenda: RTR, Oceana Galmarini

La nova tribuna che l’Open Air Lumenzia ha duvrà per l’emprima giada quest onn, haja funcziunà oraifer, quai ha ditg Norbert Cavegn dal comité d’organisaziun ad RTR. Cun ina ruassaivladad haja la firma responsabla bajegià si la tribuna. Ed ils organisaturs da l’OAL hajan profità da dapli plaz per deponer tut l’urden.

Sco la Polizia chantunala ha ditg sin dumonda da RTR, saja ella stada pliras giadas en acziun sin l'areal da l'open air. Davart las raschuns n'ha la polizia vulì dir nagut il mument. Il dumber da las acziuns saja però sumegliant aut sco auters onns.

RR novitads 06:00