Siglir tar il cuntegn

Header

cuntegn

Arcas Rock Avant il festival è suenter il festival è avant il festival

Igl è sta in curt festival. Per esser pli exact: mo radund 7 uras ha durà il Arcas Rock amez Cuira. E tuttina è sa midada ina u tschella chaussa durant quellas 7 uras. Durant ils festivals questa stad guardain nus adina puspè tge che sa mida... u apunta betg.

Cumparegliaziun dals maletgs

Stuschar reglader a sanestraStuschar reglader a dretga
Legenda:19.00h vs. 22.00h

Quest onn hai dà insatge unic sin la plazza Arcas. Venderdi saira era l'occurenza da RSI ed RTR 8x15 e sonda alura il Arcas Rock organisà da l'uniun Wohlklang. Tut en tut eran 1'100 persunas durant ils dus dis a tadlar ils concerts. Il Arcas Rock sez ha dentant gì mo 600 visitadras e visitaders. Quai èn 300 persunas pli pauc che l'onn passà. L'organisatur Stefan Parpan è dischillusiunà.

audio
L'organisatur Stefan Parpan da la uniun Wohlklang
ord Actualitad dals 18.06.2019.
laschar ir. Durada: 35 Secundas.

Durant il concert da Veronica Fusaro, ch'è enconuschenta cun il hit «Better If I Go», ha ella suà. Betg mo perquai ch'ella ha dà gas, mabain era perquai ch'il sulegl ha splendurà dal tuttafatg sin ella.

Veronica Fusaro avant e suenter il concert.
Legenda: Veronica Fusaro (22) avant e suenter il concert. RTR / Oceana Galmarini

Vairamain suà ha ella dentant probabel durant l'intervista cun noss moderatur Livio Chistell. ;-) El ha numnadamain discurrì mo rumantsch cun la musicista da Thun.

video
Dumondas essenzialas cun Veronica Fusaro
Or da Turnea da festivals dals 16.06.2019.
laschar ir. Durada: 3 minutas 16 Secundas.

La pli gronda differenza tranter avant e suenter vesan ins tar noss moderatur Livio Chistell. Sch'el vesa gia ora uschia suenter 7 uras festival co duess quai be vegnir ora tar tut tschels festivals che nus visitain anc questa stad...

Cumparegliaziun dals maletgs

Stuschar reglader a sanestraStuschar reglader a dretga
Legenda:Nagin commentari...

Tge che noss moderatur vegn anc a far tras, auters «avant/suenter» ed insumma rapports sin tut ils chanals datti durant quels festivals:

Festivals che nus visitain quest onn

Openair Cavaglia
28 - 30 zercladur 2019
Open Air Lumnezia
25 - 27 fanadur 2019
Openair Malans
9 - 10 avust 2019

Artitgels legids il pli savens