Siglir tar il cuntegn

Header

cuntegn

Arcas Rock In sguard enavos: Arcas Rock 2018

Avant in onn era premiera per l’Arcas Rock, il festival da musica sin la plazza Arcas a Cuira. RTR era da la partida, e guarda enavos sin ina saira plain beautiful music e beautiful people.

Ina saira bella e chauda en il zercladur 2018. Quai la culissa per l’emprim Arcas Rock. In festival ch'ha cumbattì passa 10 onns per astgar avair lieu. L'iniziant dal festival: Stefan Parpan da l’uniun Wohlklang. Cun nus ha el discurrì davart il cumbat per il festival.

Ed uschia era tut pront per la premiera cun musica da Kaufmann, Me and Marie, The Gardener and the Tree e Lola Marsh. In sguard auditiv enavos sin quest festival ensemen cun noss moderatur Livio Chistell chattas ti en quest soundcheck qua:

Video
Lola Marsh – UNPLUGGED
Or da RTR dals 20.06.2018.
abspielen

Era quest onn è RTR da la partida cun sia rulotta ed emetta live da l'Arcas Rock.

RTR live dal Arcas Rock 2019

Sonda, 15-06-2019 da las 18:03 – 23:00

Da tadlar en il Radio Rumantsch ubain da guardar sin nossa webcam.