Siglir tar il cuntegn

Header

cuntegn

Critica da concert Onn da sucess e tuttina en tschertga dal proxim grond pass

Cun be gist 21 onns ha Mattiu Defuns gia cuntanschì bler en la musica. Proxim onn po el cun sia band sunar sin la tribuna gronda dal Open Air Lumnezia. Sia musica va regularmain sin las undas dal Radio Rumantsch u SRF3. Tiers suna el uschè blers concerts, ch'el po schizunt viver da la musica.

Dasper tut ils lauds da l'ultim temp datti dentant era puncts da critica. Il concert al Open Air Lumnezia ha, malgrà la victoria dal contest da la Startrampe, betg pudì persvader dal tut. Al Open Air Malans ha Mattiu Defuns gì la sfida da cumenzar sco opener avant in areal quasi vid. Ed era qua ha el betg persvas noss criticher da musica Patrick Capaul.

audio
Patrick Capaul - a pudess vegnir dapli da Mattiu
ord Musica dals 11.08.2019.
laschar ir. Durada: 53 Secundas.
Mattiu Defuns sil palc al Open Air Malans
Legenda: RTR, Oceana Galmarini

Suenter il concert avain nus confruntà il musicist da Trun cun nossa critica «dovri in proxim pass». Quai vesa Mattiu era en sez. La gronda dumonda saja be co e tgenin?

audio
Mattiu Defuns - a pudess vegnir dapli
ord Musica dals 11.08.2019.
laschar ir. Durada: 38 Secundas.
la band da Mattiu Defuns sil palc
Legenda: RTR, Oceana Galmarini

Ins po dentant anc avair siemis. E sch'el pudess giavischar, lura fissi d'ina vart da pudair ina giada ir sin turnea da clubs durant l'enviern. Quai saja dentant pli grev d'organisar che ina turnea da festivals durant la stad. Ed il segund giavisch fiss da survegnir in management che coordinescha ed organisescha concerts, turneas ed autra rauba. Il mument fa quai il musicist numnadamain anc sez. E quai na saja betg insatge ch'el fatschia uschia gugent.

audio
Mattiu Defuns - in bun managment fiss in siemi
ord Musica dals 11.08.2019.
laschar ir. Durada: 31 Secundas.

RTR/ Turnea da festivals

Artitgels legids il pli savens