Ella è la victura da bandxost da l'onn 2018. Dapi lura s'ha midà bler per la dunna da 20 onns. Enfin uss sunava ella adina sco solo act. Uss ha ella dentant sustegn dal battarist Severin Rusch. Nus avain accumpagnà Riana Steinmann cun nossa camera al pli grond festival ch'ella ha insumma ina giada sunà.
E Severin n'è betg be sustegn musical...
Quest onn è l'emprima giada ch'els van sin turnea da festivals sco l'Open Air Son Gagl u il gieu a chasa il Clanx ad Appenzell. Anc mai ha ella dentant sunà sin ina tribuna uschè gronda sco quella dal Open Air Lumnezia.
Grond temp per sa metter en sin la nova e gronda tribuna n’ha ella betg gi. Arrivar, accordar la ghitarra e gist dai sin tribuna per metter si ils instruments e far soundcheck.
Era sche la constellaziun dal duo è anc giuvna, ina uschenumnada rutina datti: Els portan durant ils concerts il medem bratschlet.
E sche nus essan schon tar il style... è anc insatge auter dà a nus en egl. ;-)
Era sch'il rom tudestg è il rom preferì da Riana ha ella decidì da scriver chanzun per englais. Uschia vegni ella da transportar meglier il tun da sia vusch, di ella. Quai è era il chapital da la appenzellaisa – la vusch voluminusa ed in pau rauca. E precis uss è arrivà il mument d'ir sin tribuna.
Sustegn survegn ella d'in entir clan d'Appenzell. ;-)
Ed Riana e Severin han furnì e lantschà in bun start en il venderdi. Era per els è crudà in grond crap giu dal cor...
Uss giauda ella anc il festival sco visitadra. Sin ella spetgan questa stad anc circa 10 concerts. A partir dal settember cumenza ella lura la scol'auta da pedagogia.