Per il solit è la filarmonia da chombra dal Grischun dachasa sin palcs ed en salas. Durant il mais d'avust va ella però sin turnea cun in camiun e fa fermativa en divers lieus da noss chantun.
Il clarinettist e saxofonist Franco Mettler è responsabel per il program e per la tscherna dals musicists – ed il percussiunist Eckart Fritz, sez manischunz da camiun, ha organisà in vehichel adattà per lur intenziuns.
Sin il camiun è lura d’udir e da vesair la «Circusbanda» cun Domenic Janett, clarinetta – Franco Mettler, saxofon – Dominique Trösch, trumbetta – Xaver Sonderegger, posauna – Tobias de Stouz, tuba e Eckart Fritz percussiun.
Il viadi tras il Grischun po cumenzar ils 14 d’avust cun l’emprima etappa che maina a Savognin, e là – ed en tut ils auters lieus – datti concerts gratuits sin plazzas centralas. Sin il program èn ovras da different gener sco la «Feuerwerksmusik» da Georg Friedrich Händel, musica da la «Dreigroschenoper» da Kurt Weil, musica da film e da circus.
Venderdi, ils 14 d’avust, 18:00 | davant la Sala Grava a Savognin
Sonda, ils 15 d’avust, 19:30 | davant il Kurhaus a Bravuogn
Mesemna, ils 19 d’avust, 19:30 | sin la plazza da scola veglia a Sta. Maria en Val Müstair
Sonda, ils 22 d’avust, 20:00 | sin la plazza communala a Panaduz
Dumengia, ils 23 d’avust, 12:00 | sper il Seehofseeli a Tavau
Tgi che vul udir e vesair la «Circusbanda» s’annunzia sin la pagina: kammerphilharmonie.ch
-
Bild 1 von 2. Durant il concert a Savogni ils 14 d'avust. Bildquelle: RTR, Federico Belotti.
-
Bild 2 von 2. Durant il concert a Savogni ils 14 d'avust. Bildquelle: RTR, Federico Belotti.