Giud tribuna - Palc innovativ: 3 giadas musica nova
Blera variaziun sin il palc tar «Da cumpagnia» a Cuira, ina seria da concerts da Radiotelevisiun Svizra Rumantscha. Cun musicistas e musicists da l'Engiadina, Surselva e da la Val di Fascia en las Dolomitas.
Ils 20 da matg ha RTR puspè envidà a la sairada «Da cumpagnia» en il B12 a Cuira. Quai è stà in concert en 3 parts: Cun Giganto-Mattiu & Band, cun il chantautur engiadinais Curdin Nicolay e cun la chantautura Martina Iori da las Dolomitas, da la Val da Fascia en il Trentino. Lur musica è zunt differenta, perquai è quai stà ina saira da musica cun blera variaziun.
Curdin Nicolay (34 onns)
Sia emprima chanzun «Kindl» è cumparida il 2007, in onn pli tard ha el fatg il Top Pop Rumantsch cun «Nüglia da nouv», es il 2011 quatter chanzuns novas en furma digitala. Questa stad datti a la fin ses emprim disc:
audio
L'intervista cun Curdin Nicolay
04:12 min, ord Musica dals 24.05.2016.
laschar ir. Durada: 4 minutas 12 Secundas.
audio
Curdin Nicolay live
17:03 min, ord Musica dals 24.05.2016.
laschar ir. Durada: 17 minutas 3 Secundas.
Martina Iori (21 onns)
Ella vegn da Canazei en la Val da Fascia en las Dolomitas, fa in studi da musica, suna divers instruments, uschè er violina e viola – e sco chantautura suna ella ghitarra ed ukulela. Sia carriera ha cumenzà il 2014 cur ch’ella ha gudagnà SUNS e LIET, ils festivals da chanzuns da linguas minoritaras:
audio
L'intervista cun Martina Iori
03:31 min, ord Musica dals 24.05.2016.
laschar ir. Durada: 3 minutas 31 Secundas.
audio
Martina Iori live
15:49 min, ord Musica dals 24.05.2016.
laschar ir. Durada: 15 minutas 49 Secundas.
«Giganto-Mattiu & Band»
Els dus vegnan da la Surselva, Ivo Orlik (22 onns), vegn dal rap – Mattiu Defuns, (18 onns), è chantautur e ghitarrist, ed els èn sa scuntrads be per cas. Lur emprim disc cumpara bainprest: