Siglir tar il cuntegn

Eurovision Song Contest Netta è la meglra

La sonda saira ha la chantadura israeliana Netta Barzilai persvadì il pli fitg al ESC 2018 - cun la chanzun «Toy». Gia avant valeva la chantadura da 25 onns sco ina da las favuritas.

Per la chantadura che fa endament in pau Beth Ditto quai che pertutga la parita, è «Toy» ina resposta sin la debatta da MeToo davart mulesta sexuala en la branscha da divertiment. La chanzun cumbinescha pop corean cun hip-hop e suns orientals.

Betg l'emprima giada

Igl è la quarta giada che l'Israel gudogna il Eurovision Song Contest. La davosa giada era quai stà avant 20 onns cun la victura Dana International.

Sin plazza dus è vegnì quest onn la Cipra (Eleni Foureira cun «Fuego»), e sin plazza trais l’Austria (Cesár Sampson cun «Nobody But You»).

Svizzers senza success

La gruppa svizra ils «Zibbz», era gia crudada ora en il mezfinal. En tut han 43 naziuns prendì part al 63avel Eurovision Song Contest da quest onn a Lissabon.

L’onn passà era il Portugais Salvador Sobral ì cun la plima cun sia chanzun ruassaivla «Amar pelos dois».

RR novitads 06:00