Siglir tar il cuntegn

Header

audio
La filarmonia da chombra va cun il camiun
Or da Musica dals 13.08.2020. Maletg: MAD
laschar ir. Durada: 2 minutas 57 Secundas.
cuntegn

Filarmonia da chombra Cun il camiun tras il Grischun

La filarmonia da chombra dal Grischun sin via cun quatter rodas e cun blers PS

Per il solit è la filarmonia da chombra dal Grischun dachasa sin palcs ed en salas. Durant il mais d'avust va ella però sin turnea cun in camiun e fa fermativa en divers lieus da noss chantun.

audio
L'idea
ord Musica dals 13.08.2020.
laschar ir. Durada: 26 Secundas.

Il clarinettist e saxofonist Franco Mettler è responsabel per il program e per la tscherna dals musicists – ed il percussiunist Eckart Fritz, sez manischunz da camiun, ha organisà in vehichel adattà per lur intenziuns.

audio
Chatta in camiun
ord Musica dals 13.08.2020.
laschar ir. Durada: 17 Secundas.

Sin il camiun è lura d’udir e da vesair la «Circusbanda» cun Domenic Janett, clarinetta – Franco Mettler, saxofon – Dominique Trösch, trumbetta – Xaver Sonderegger, posauna – Tobias de Stouz, tuba e Eckart Fritz percussiun.

audio
Musicists cun differents stils
ord Musica dals 13.08.2020.
laschar ir. Durada: 26 Secundas.

Il viadi tras il Grischun po cumenzar ils 14 d’avust cun l’emprima etappa che maina a Savognin, e là – ed en tut ils auters lieus – datti concerts gratuits sin plazzas centralas. Sin il program èn ovras da different gener sco la «Feuerwerksmusik» da Georg Friedrich Händel, musica da la «Dreigroschenoper» da Kurt Weil, musica da film e da circus.

audio
In program varià
ord Musica dals 13.08.2020.
laschar ir. Durada: 26 Secundas.

Il program

Avrir la box Serrar la box

Georg Friedrich Händel: Feuerwerksmusik / Kurt Weil: da la «Dreigroschenoper»

Julius Fučík: Einzug der Gladiatoren / Lys Assia: Oh mein Papa

Nino Rota: dal film «8 ½» da Federico Fellini

Ils termins dals concerts:

Avrir la box Serrar la box
Legenda: MAD

Venderdi, ils 14 d’avust, 18:00 | davant la Sala Grava a Savognin

Sonda, ils 15 d’avust, 19:30 | davant il Kurhaus a Bravuogn

Mesemna, ils 19 d’avust, 19:30 | sin la plazza da scola veglia a Sta. Maria en Val Müstair

Sonda, ils 22 d’avust, 20:00 | sin la plazza communala a Panaduz

Dumengia, ils 23 d’avust, 12:00 | sper il Seehofseeli a Tavau

Tgi che vul udir e vesair la «Circusbanda» s’annunzia sin la pagina: kammerphilharmonie.ch

RTR actualitad 10:00

Artitgels legids il pli savens