Siglir tar il cuntegn

Header

video
Purple Nights – Istorgia ed andament
Or da RTR dals 30.11.2018.
laschar ir
cuntegn

RTR Purple Nights L'emprima «fusiun» da Purple Nights

Beats, chant ed orchester s'inscuntran en la Terma da Val Son Pieder a la Purple Nights.

La Terma a Val Son Pieder plain tuns classics e sferics, quai è Purple Nights. In concert en atmosfera unica, inizià da la SRG e preschentà dad RTR. Per l’emprima giada èn tut ils musicist s’inscuntrads per l’experiment dal cumponist David Sontòn Caflisch.

La chantadura Sara-Bigna Janett, l'artist da musica electronica Cella e l’orchester han per l’emprima giada sentì l’acustica speziala da la Terma a Val Son Pieder. L’ovra cun chanzuns popularas e bler’ improvisaziun è vegnida cumponida aposta per quella occurrenza.

L’emprova era anc senz’aua, il concert ha alura lieu sin podests che vegnan plazzads sin l’aua. Quel ha lieu sonda, il prim da december, las 20:30 en la Terma, l’entrada è libra. Sin rtr.ch e sin HbbTV vegn il livestream mussà a partir da las 21:00.

TR Telesguard 17:40

Artitgels legids il pli savens

Scrollar a sanestra Scrollar a dretga