Siglir tar il cuntegn
cuntegn

RTR Purple Nights RTR Purple Nights

Avais Vus gia ina giada visità in concert, nua che musica classica sa scuntra cun musica electronica? Cella, l’artist da musica electronica da Turitg, e l’Ensemble Viola, enturn David Sontòn Caflisch, gughegian l’experiment.

Legenda: Guardar il video RTR Purple Nights - trailer. Durada 00:18 minutas.
Or da RTR Social dals 22.11.2018.

Il 1. da december envida RTR Vus en la Terma da Val per giudair quest concert extraordinari. Visitai il concert ed As laschai fascinar da la musica e da la culissa unica.

Stoss jau reservar in bigliet?

Personen-Box aufklappenPersonen-Box zuklappen
Grafica per l'annunzia da Purple Nights.
Legenda:RTR

Da principi na. L'entrada è gratuita, mintgin è cordialmain envidà a la «RTR Purple Nights».

Per simplifitgar l'organisaziun prendain nus dentant gugent encunter Vossa annunzia sur quest formular.

Purschida bus da shuttle

Personen-Box aufklappenPersonen-Box zuklappen

Visitai cumadaivel la «RTR Purple Nights» cun meds publics. Vus pudais nizzegiar il servetsch da bus da shuttle.

Uras da partenza:
19:30 Glion staziun - Val Terma
22:30 Val Terma - Glion staziun
23:30 Val Terma - Glion staziun

Reservai in plaz en il bus sur quest formular u per mail a communicaziun@rtr.ch., il link avra en ina nova fanestra

__________________________________

Urari da tren

Glion - Cuira: 22:58 / 23:40
Glion - Mustér: 23:37

Cura stoss jau esser a Val?

Personen-Box aufklappenPersonen-Box zuklappen

A partir da las 20:00 envidan RTR e la Terma Val ad in pitschen apero. Las 20:30 avran lura las portas da la Terma e las 21:00 cumenza il concert cun il livestream.

Co stoss jau ma vestgir per la «RTR Purple Nights»

Personen-Box aufklappenPersonen-Box zuklappen

Per quai eveniment unic pudais Vus per ina giada excepziunalmain entrar cun vestgadira usuala en la Terma.

Nus recumandain dentant da guardar da sa vestgir a moda plitost légère, per As adattar a las temperaturas da la Terma.

La giacca sco era ils chalzers pudais vus deponer en gardaroba. Vus retschavais stgalfins da bogn per entrar en la Terma.

Program musical

Musicalmain spetga Vus in program da concert aparti ed unic. Il cumponist rumantsch David Sontòn Caflisch ha transponì e mess ensemen cun Cella 6 chanzuns tradiziunalas rumantschas en in manté classic-electronic. En il center stat la vusch da la sopranista Sara-Bigna Janett. Accumpagnada vegn ella sper ils tuns electronics da Cella dal Ensemble Viola, in ensemble classic mess ensemen a posta per quai eveniment.

Livestream

Il concert vegn ultra da quai partì cun l'entir mund sco livestream sin rtr.ch, hbbtv (sin SRF1 e SRF2) sco era sin Facebook, il link avra en ina nova fanestra.