Siglir tar il cuntegn
cuntegn

RTR Purple Nights Tge è «Purple Nights»?

Daco vegn RTR sin l'idea da far in event che porta il titel «Purple Nights»? E daco la fusiun tranter musica classica ed electro e quai perfin en la Terma da Val?

Legenda: Tadlar il audio Bunura: Purple Nights da RTR – in discurs cun Flavio Tuor. Durada 04:34 minutas.
04:34 min, Actualitad dals 27.11.2018.

La SRG SSR ha inizià ina seria da concerts che ha la finamira da purtar la musica classica pli datiers ad in public giuven. Per cuntanscher quella finamira è naschida l'idea da l'experiment che fusiunescha la musica classica cun la musica electronica.

Lieus extraordinaris

Per suttastritgar quai viadi experimental han ins ultra da quai sviluppà l'idea d'era anc plazzar quella fusiun en in lieu da concert nunusità. Fertant che noss collegas da RSI, RTS e SRF èn sa decidids per ediziuns en clubs en diversas citads grondas da la Svizra, ha RTR tschertgà novas vias.

Ils chaus musicals

Per RTR èsi davent da l'entschatta stà cler ch'il rumantsch e sia cultura duai esser part da l'arranschament. Perquai avain nus tschertgà la collavuraziun cun il cumponist rumantsch David Sontòn Caflisch.

Per la part electronica avain tschertgà, per il senn da promoziun, la collavuraziun cun in giuven musicist. Cun Cella, l'artist da musica electronica oriund da Turitg, è quai reussì. El vala sco in dals giuvens ils pli talentads en la scena Svizra da quai gener.

Cuntegn musical

Ensemen cun Cella vegn David Sontòn Caflisch ad arranschar in program musical che maina cun differents intermezzos atras sis chanzuns rumantschas tradiziunalas. Durant 60 minutas preschentan els quai experiment unic.

RTR livestream 21:00