Siglir tar il cuntegn

Header

ina furmaziun da musica sin il palc
Legenda: La «Landstreichmusik» dal viv La «Landstreichmusik» al festival da folk a Viljandi/Estonia RTR/jp
cuntegn

Musica Il festival da folk da la EBU 2016 en il Balticum

La «Landstreichmusik», in num cun pliras significaziuns. La musica da questa furmaziun è la musica che vegn da la tradiziun dals vagabunds e tschiainders, dals sunaders ch’eran da passagi e ch’eran sin viadi. Quai é pero simplamain er ina chapella che fa musica cun instruments da corda.

In festival cun blera atmosfera.
Legenda: Il festival da folk a Viljandi Viljandi: in dals pli bels festivals da l'Europa. MAD

La «Landstreichmusik» cun Matthias Lincke, violina, Elias Menzi, arpet, Matthias Härtel al bass, Jonas Guggenheim, accordeon e Christine Lauterburg, chant, han represchentà la Svizra al Festival da Folk da la EBU a Viljandi in Estonia.

Il festival da la l’Uniun dals radios e da las televisiuns publicas da l’Europa (EBU/UER) è in eveniment da tradiziun cun musicistas e musicants che vegnan da la Scandinavia, da la regiun ibercia, da l’Europa centrala fin dal Balcan. Quai vul dir : in inscunter cun concerts ed eir cun inscunters spontants cun tuns e suns da tut l’Europa, ina sporta da musica enorm vasta cun blers stils fitg differents e savents er cun musica fitg genuina e tradiziunala. E la noziun «folk» vegn tractada en furma fitg vasta, pertge en l’Europa dal ost ha el tut in autra significaziun che en l’Europa dal nord.

Quest festival è vegni organisà gia per la 37avla giada, e quest onn è el ina part dal festival da musica da Viljandi en l’Estonia (www.folk.ee, il link avra en ina nova fanestra), in dals pli gronds festival da folk en l’Europa, cun sur 100 concerts e 25'000 aspectatus/as. Adina puspè en er furmaziuns svizras da la partida, p.ex. ils Fränzlis da Tschlin il 2007 a Cork, Corin Curschellas avant 2 onns a Rättvik en Svezia e l’onn passà Robin Mark e ses quartet a Cracovia en Pologna.

Artitgels legids il pli savens

Scrollar a sanestra Scrollar a dretga