El fa musica dapi sia uffanza, ha sunà en diversas chapellas, surtut cun sia chapella da famiglia dals Ernis – e quai bleras sairas e notgs per bals da Bumaun, da Mattinadas e Chalandamarz, per gruppas da sauts populars e festas. Jachen Erni ha passentà sia uffanza a Tschlin. Ses bab Anton saja stà sever, però aveva er la devisa: «Quai ch’ins fa da cor vegn er da cor».
Quai ch’ins fa da cor vegn er da cor.
Ils Ernis faschevan il pur ed ils uffants han gì da gidar, quai è stà uschia quels onns. Jachen ha fatg il giarsunadi da dissegnader da construcziun a Scuol, ha er lavurà là, è sta pli tard manader dal district da l’uffizi da stimaziun da chasas ed enfin a sia pensiun stà manader da l'uffizi chantunal a Cuira. Suenter è el returnà en Engiadina.
Jachen Erni ha 80
Uss datti in motiv per far festa. Ils 14 da mars è sta l’otgantavel anniversari da Jachen Erni, e perquai avain nus fatg ina visita ad el.
Jachen Erni, sia musica, sias regordanzas
-
Bild 1 von 10. Jachen Erni ha 80. Bildquelle: RTR.
-
Bild 2 von 10. Mintga di suna el la clarinetta. Bildquelle: RTR.
-
Bild 3 von 10. Il bab Anton Erni (1913-1980). Bildquelle: Jachen Erni.
-
Bild 4 von 10. Jachen e sias soras Annina e Mengia. Bildquelle: Jachen Erni.
-
Bild 5 von 10. La chapella da la famiglia Erni suna per il Plazzin a Turitg. Bildquelle: Jachen Erni.
-
Bild 6 von 10. La chapella da la famiglia Erni. Bildquelle: Jachen Erni.
-
Bild 7 von 10. Jachen Erni en la baselgia San Plasch a Tschlin. Bildquelle: RTR.
-
Bild 8 von 10. Jachen Erni a Tschlin, tar la chasa nr. 72 da sia famiglia. Bildquelle: RTR.
-
Bild 9 von 10. A Tschlin, ses lieu d'unffanza. Bildquelle: RTR.
-
Bild 10 von 10. A Sent sper la chasa cun la vopna da la famiglia Erni. Bildquelle: RTR.
L’emprim a Tschlin, ses lieu da naschientscha, suenter en la baselgia da San Plasch, davant sia chasa paterna cun numer 72, e lura en l’ustaria Macun, ch’el e sia dunna Annina han manà divers onns.
«Asen o tschiainder» – da Tschlin a Sent?
Segunda staziun: Sent, il lieu da naschientscha da ses geniturs e nua ch’el ha era fatg savens musica – e per finir a Scuol, nua ch’el viva oz cun sia dunna Annina.
El raquinta da sia uffanza a Tschlin, da la chapella da la famiglia Erni, ils bals, sunar polcas, galops, hoppers, mazurcas e schottischs per las gruppas da sauts.
«Las melodias dals randulins»
Avant sis onns ha el publitgà in disc ed in cudesch remartgabel davart las influenzas da l’Italia sin la musica populara da l’Engiadina, per exempel dals musicants e cumponists Rinaldo Franci e Cla Genua. El scriva: «La musica populara da l’Engiadina ha ses tun tut agen, precis sco la val che ha ses ritmus dal tuttafatg agen».
En quest cudesch sa regorda Jachen Erni da sia uffanza e giuventetgna e preschenta ses resultats da perscrutaziun. In fundus da notas che demussa per l’emprima giada quant fitg che la musica populara engiadinaisa è influenzada er da l’auta cultura taliana, e quant impurtants ch’ils Randulins èn stads per questa val e sia musica.
Jachen Erni s’engascha er a favur dal center da furmaziun chasa Fliana a Lavin, e per la fundaziun «Pro baselgia San Niclà».
La fundaziun «Pro baselgia San Niclà» ed il center da furmazun chasa Fliana
In bel premi ed ina onur per ina persunalitad ch'è restada modesta
Avant paucs dis hai lur dà ina bella surpraisa per Jachen Erni. El survegn in premi da renconuschientscha dal chantun Grischun da 20’000 francs – e vegn undrà sco amatur passiunà da la musica populara, sco autur dal cudesch «Las melodias dals randulins» e per ses engaschament a favur da la baselgia da San Niclà.