Jachen Janett è naschì il 1946 e creschì si a Tschlin, nua ch’il chant, la musica ed ils Janetts avevan ina rolla impurtanta. El ha frequentà il seminari da magisters a Cuira, ha studegià vinavant musica al conservatori da Winterthur ed ha fatg ina scolaziun da chant da solo, diriger e musica da scola.
Dal 1976 fin a sia pensiun ha el instruì musica a la scola media ed al Preseminari Ladin a Samedan. Là, nua ch’el è stà blers onns magister ha el fundà in chor da scolars e manà quel durant blers onns cun grond success. Cun sia passiun per la musica ed il chant ha el pudì entusiasmar bleras scolaras e blers scolars per quest art. La cumprova è il success da quest chor tar blers concerts. Suenter ch’el ha lavurà blers onns en l’academia, è el sa deditgà a divers projects musicals sco solist e sco dirigent.
Instancabel e cun gronda premura: il dirigent e promotur da chant e musica
La fin dals onns 60 ha el dirigì il chor maschadà da Zuoz e suenter blers auters en Engiadina. El ha fundà «La Cumbricula» ed il «Rudé da chant» ch’el ha manà da sia fundaziun il 1978 fin il 1987.
A partir da là ha el dirigì ensemen cun ses frar Duri Janett il chor fin il 2006. Jachen Janett è era uschiglio s’engaschà per il chant ed ils chors en l’Engiadina. El ha fundà il chor da l’Academia Engiadina e manà ils chors maschadads da Zuoz, La Punt, Champfèr, Samedan, il chor da scolaras e scolars Las Filomelas, il «Proget da cor Sent» ed er anc il «Chor masdà da Tschlin» dal 2023 fin 2025.
«Las Filomelas», «La Cumbricula» ...
Jachen Janett è er stà il confundatur dal chor «Rudè da chant», ed en Engiadina ha el fundà e dirigì anc plirs auters chors: il Rudé da chant Engiadina, La Cumbricula, Las Filomelas da Samedan.
Muments da la vita da Jachen Janett
-
Bild 1 von 12. Claudia, Sara-Bigna, Mirella e Jachen. Bildquelle: Mess A disposiziun.
-
Bild 2 von 12. Nozzas si Tschlin, 6.6.1987. Bildquelle: Mess A disposiziun.
-
Bild 3 von 12. La famiglia Janett cun Jachen davosvart a sanestra. Bildquelle: Mess A disposiziun.
-
Bild 4 von 12. Ils frars Janett cun Jachen a la trumbetta. Bildquelle: Mess A disposiziun.
-
Bild 5 von 12. Jachen Janett, il dirigent engaschà. Bildquelle: Mess A disposiziun.
-
Bild 6 von 12. Jachen ed Andri Gritti dal «Proget da chor Sent» a Verona. Bildquelle: Mess A disposiziun.
-
Bild 7 von 12. Jachen cun la trumbetta. Bildquelle: Mess A disposiziun.
-
Bild 8 von 12. Jachen, onns 80. Bildquelle: Mess A disposiziun.
-
Bild 9 von 12. En la cuschina da la chasa dals Janetts a Tschlin. Bildquelle: Mess A disposiziun.
-
Bild 10 von 12. Ils frars Janett en la sala da l'ustaria Muttler. Bildquelle: Mess A disposiziun.
-
Bild 11 von 12. La sala dal Muttler è uss la stiva da Claudia e Jachen. Bildquelle: Mess A disposiziun.
-
Bild 12 von 12. En «L'ustaria Muttler», pauc è sa midà. Bildquelle: MAD.
El è er s'engaschà per il chant da chors dal vitg, quai cun ils chors: Chor masdo Zuoz, Chor da baselgia Adorf, Chor mixt Samedan, Chor masdo La Punt, Chor mixt Champfèr ed il «Proget da chor Sent». E sper tut quai ha el er anc sunà 45 onns la trumbetta tar la musica da Tschlin, nua ch'el è er commember d'onur.
Las figlias
Jachen Janett e sia dunna Claudia han duas figlias: Mirella e Sara-Bigna, omadus er talentadas e fascinadas dal chant. Però be Sara-Bigna ha tschernì la via da daventar chantadura, sco ses bab avant blers onns.
Jachen Janett di che sia dunna Claudia saja adina stada in grond sustegn per el: «Jau sun engraziaivel a mia dunna Claudia ch’ella ha pussibilità tut quai, che jau n’era savens betg a chasa. Ed ella è era stada in grond sustegn ed ina buna auditura, sch’i na gieva ina giada betg uschè bain ed ha fatg curaschi a mai.»