Er l’instrumentala dad oz è pronta cun hits e semperverds che derasan gia oz atmosfera dad ESC. Nus tadlain hits sco il titel victur da l’onn passà «The Code» «Tattoo», «Stefania», e semperverds sco «Waterloo» «Puppet on A String», «Swiss Lady, «Ne partez pas sans moi» e natiralmain era la chanzun «Viver senza tei» dals Furbaz, ils participants da l’onn 1989.
Interpretà vegnan questas chanzuns dentant betg da Loreen, Céline Dion, Abba, Pepe Lienhard ni da Sandie Shaw, mabain dad enconuschentas furmaziuns da brass ed armonia.
