Enstagl da concertar ubain ir a concurrenzas da musica, ha la Brass Band Berner Oberland (BBO) registrà il settember 2020 in disc cumpact (DC). Corsin Tuor da Trun, dapi 2012 dirigent da quella furmaziun da classa superiura, ha tschernì per quest DC in program colurà, interessant e divertaivel. Dasper marschs stattan qua ovras novas da giuvens cumponist svizzers (Reto Näf, Stephan Hodel, Sami Lörtscher, Marco Kunz e Thomas Trachsel) lura musica tradiziunala arranschada per brass band e cumposiziuns pli lungas adattadas sco tocs da patg a festas. Il num dal DC ha dà il hit da Patent Ochsner (Büne Huber) «Für immer uf di». E lura cuntegna quest DC anc in'ovra sursilvana. La Canzun senza pleds da Gion Andrea Casanova ha Corsin Tuor arranschà extra per la BBO. L'instrumentala preschenta il disc cumpact e quai en discurs cun il dirigent ed editur Corsin Tuor.
cuntegn
L'instrumentala Corsin Tuor – «Für immer uf di»
Il novissim disc cumpact da la BB Berner Oberland.
Parter
RTR Instrumentala 19:00