L'instrumentala - In'ura cumposiziuns da Walter Joseph
Joseph ha deditgà sia entira vita cumplainamain a la musica. Suenter avair studegià musica al conservatori ha el dirigì e dà scola da musica. Sper quai è el stà tschertgà sco expert a festas da musica ed ha gì in'atgna chasa editura per notas, la Joseph Musikverlag GmbH.
En l'instrumentala dad oz ans deditgain cunzunt a sias cumposiziuns. Walter Joseph è stà in fitg engaschà cumponist da marschs; Ravanello, Dr. Günther Sabetzki u er il marsch Bärner Musikante. Bleras da sias cumposiziuns ha el scrit sin basa d'engaschament. Uschia è sia litteratura da marschs ina da quellas che vegn sunada il pli bler en Svizra.
