La Jugend Brass Band Graubünden (JBBG) ed il Jugend Blasorchester Graubünden (JBOG) fan dapi blers onns mintgamai durant la stad in champ da musica per musicantas e musicants giuvens. Durant in'emna exerciteschan ils giuvenils vid in program da concert e vid lur svilup persunal cun agid e sustegn da musicistas e musicists da professiun. Punct culminant da l'emna da musica è mintgamai il concert.
L'instrumentala ed era l'emissiun Artg musical sa deditgeschan a questas duas formaziuns. Novissimamain pon ils ultims tschintgs concerts dal JBOG sco er da la JBBG vegnir tadlads sin rtr.ch/festas.
