RTR adattescha ses program da radio al basegn e gust da l'auditori. A partir da l'october vegn l'emissiun Instrumentala il venderdi saira a las 18:30 – 19:30 uras (betg pli la mesemna). Ella porta giavischs musicals da societads da musica, persunas ord la scena da musica instrumentala u er da la populaziun a chaschun da festas u concerts. Tut las audituras ed ils auditurs che vulessan era crear ina giada in'atgna emissiun, dastgan gugent scriver a la suandanta adressa: musica@rtr.ch. La redacziun da musica s'allegra da retschaiver posta!
En l'emprima instrumentala dastga il redactur da musica Hugo Schär preschentar intgins da ses favurits.
