In da quels è Anton Reicha (1770-1836) ch'è er stà in amitg da Beethoven e Haydn. El è vegnì enconuschent sco teoreticher da musica. Furora ha el cunzunt fatg cun sias cumposiziuns per instruments a flad.
Las cumposiziuns da Louis Spohr (1784-1859) èn per l'ina influenzadas da quellas da Mozart, ma per l'autra ha el er integrà elements da l'epoca classica cun quella da la romantica tempriva. Uschia han cumponists da renum sco Mendelssohn, Schumann, Chopin u Brahms er cumpareglià sias cumposiziuns cun quellas da Beethoven. Louis Spohr ha cunzunt scret dabia per la violina.
L'instrument favurit da John Field (1732-1837) è il clavazin. Il cumponist ch'è oriundamain da l'Irlanda ha pli tard cunzunt vivì en Russia. Sias cumposiziuns pon ins cumparegliar cun quellas da Chopin.
E la finala stat in'ovra da Muzio Clementi (1752-1832) sin il program. El è stà il scolast da John Field ed er el è stà in virtuos da clavazin. Tut quai ch'el saveva da quest instrument ha el mess sin palpiri en in cudesch d'emprender, l'uschenumnà «Gradus ad parnassum». En pli ha el er construì clavazins. Uschia na fai betg surstar ch'i stat sin ses crap fossa «The father of the pianoforte», pia ch'el saja il bab dal clavazin.
Quai è d'udir en l'emissiun
| TITEL | INTERPRET | CUMPONIST | REGISTRAZIUN |
|---|---|---|---|
| Quintett per flauta, oboa, clarinetta e fagott, Es-dur (op. 88/2) (1. Lento, Allegro Moderato) | Berner Bläserquintett: Kurt Andreas Finger (flauta), Adam Halicki (oboa) Walter Stauffer (clarinetta), Olivier Alvarez (corn), Masao Sakamoto (fagott) | Anton Reicha (1770-1836) | 2000 |
| Concer per violina ed orchester nr. 8, a-moll (op. 47) | Hilary Hahn (violina), Eiji Oue (dir.), Swedish Radio Symphony Orchestre | Louis Spohr (1784-1859) | 2005 |
| Concert per clavazin nr. 1, Es-Dur (H27) (1. Allegro) | Paolo Restani (clavazin), Marco Guidarini (dir.), Orchestre Philharmonique de Nice | John Field (1782-1837) | 2007 |
| Sonata per clavazin nr. 5, fis-moll (op. 25) | Marie François | Muzio Clementi (1752-1832) | 2018 |
| Quartet per flauta, violina, viola e violoncello (KV 285a) (2. Tempo di Menuetto) | Aurèle Nicolet (solo), Deutsches Streichtrio (Hans Kalafusz, Christian Hedrich, Rudolf Gleissner) | Wolfgang Amadeus Mozart (1755-1791) | 1990 |
L’emissiun cun musica classica da differents cumponists ord tut las epocas. Interpretada d’orchesters e solists da renum.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.