Antonin Dvorak (1841-1904) n'è betg stà in interpret da format sco ses collegas Franz Liszt u Johannes Brahms. Da chasa anora era el violinist. La violina ha el dentant barattà cun la bratscha e cun lezza è el entrà il 1862 en l'Orchester dal teater da Prag. Strusch in auter cumponist n'ha fatg in tal svilup social sco el: la via dal mazler – quai è stà l'emprima professiun da Dvorak – ad in cumponist da renum mundial. 1891 daventa Dvorak magister al conservatori da Prag. Lura suonda el il clom dal conservatori da New York. Là ha el scolà in'enitra generaziun da giuvens cumponist e scrit, tranter auter, sia 9avla sinfonia «Aus der neuen Welt». 1895 returna el a Prag, daventa directur dal conservatori e cumpona sias ovras tardivas sco il concert per cello ed orchester e l'opera «Rusalka». Ensemen cun ses dus collegas Bedrich Smetana e Leos Janacek ha el era inizià e furmà la musica naziunala tscheca e manà quella a la perfecziun. 1904 mora Antoni Dvorak a Prag.
Ils titels en l'emissiun
| TITEL | INTERPRET | CUMPONIST |
|---|---|---|
| aus: Sinfonie Nr. 9 , op. 95 - II. Largo | Tonhalle-Orchester Zürich | Antonin Dvorak |
| Slawischer Tanz, op. 45 Nr. 5 | Gewandhausorchester Leipzig | Antonin Dvorak |
| aus: Rusalka - Song to the Mood | Anna Netrebko & Wiener Philharmoniker | Antonin Dvorak |
| aus: Serenade, op. 22 - II. Tempo di valse | Orpheus Chamber Orchestra | Antonin Dvorak |
| Slawischer Tanz, op. 46 Nr. 1 | Gewandhausorchester Leipzig | Antonin Dvorak |
| aus: Gypsy Melodies Nr. 4 - Song My Morther Taught me | Fr. von Stade & Rud. Firkusny, piano | Antonin Dvorak |
| aus: Sinfonie Nr. 9, op. 95 - II. Largo | Tonhalle-Orchester Zürich | Antonin Dvorak |
| aus: Requiem, op. 89 - Dies irae | Prager Philharmonic Choir & Orchestra | Antonin Dvorak |
| aus: Konzert für Violine A-Dur, op. 53 - Finale | A. S. Mutter & Berliner Philharmoniker | Antonin Dvorak |
| Humoresque, Ges-Dur, op. 101 Nr. 7 | Boston Symphony Orchestra | Antonin Dvorak |
L’emissiun cun musica classica da differents cumponists ord tut las epocas. Interpretada d’orchesters e solists da renum.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.